АСТАНА. 21-қараша. Kazakhstan Today. Қазақстан аумағында экономикалық қылмыс жасаған АҚШ азаматы Менахем Сайденфелд (Menachem Y. Seidenfeld) Алматыдағы тергеу абақтысына жеткізілді. Бұл туралы Kazakhstan Today тілшісіне ҚР Бас прокуратурасының баспасөз қызметі хабарлады.

"Алматы қалалық экономикалық және жемқорлық қылмыстармен күрес департаменті айыпкерге қатысты қылмыстық істі қайтадан тексере бастады",- деп хабарлайды қадағалаушы мекеме.

Бұдан бұрын да хабарлағанымыздай, АҚШ азаматы Менахем Сайденфелд еліміз аумағында аса ірі көлемде қаржы жымқырған деген күдік бар. Осы айдың басында Ресей аумағында ұсталған ол ҚР Бас прокуратурасының сұранысымен еліміздің құқық қорғау мекемелеріне табысталды.

Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті

Көрулер: 5