2001 - 2017 жылдары Павлодар облысы АӨК дамуына 34,1 млрд.теӊге инвестицияланды
Бүгінгі күні Павлодар облысында 68 300 тонна сыйымдылығы бар 8 көкөніс сақтау қоймалары қызмет етуде. Сонымен қатар Ұлттық Холдингтіӊ қолдауымен аймақта 5 сүт-тауар фермалары, 6 бордақылау алаӊдары мен репродукторлар іске қосылды.
Астана. 12 ақпан. Kazakhstan Today - 2001 - 2017 жылдары "ҚазАгро" ҰБХ" АҚ еншілес компаниясы - "ҚазАгроҚаржы" АҚ арқылы Павлодар облысы АӨК дамуына 34,1 млрд.теӊге инвестицияланды. Филиалдыӊ қызмет ету уақытында 22,5 млрд.теӊге сомасына 2 334 бірлік техника сатып алу, сонымен қатар 13,9 млрд. теӊге сомасына 43 инвестициялық жоба қаржыландырылды.
"ҚазАгро" ҰБХ" АҚ еншілес компаниясыныӊ қолдауымен аймақта еліміздіӊ АӨК дамуына бағытталған кәсіпорындар құрылды. Бүгінгі күні Павлодар облысында 68 300 тонна сыйымдылығы бар 8 көкөніс сақтау қоймалары қызмет етуде. Сонымен қатар Ұлттық Холдингтіӊ қолдауымен аймақта 5 сүт-тауар фермалары, 6 бордақылау алаӊдары мен репродукторлар іске қосылды.
2017 жылы "ҚазАгро" Холдингініӊ еншілес компаниясы "ҚазАгроҚаржы" АҚ қолдауымен Павлодар облысында 130-дан астам шаруашылықтар қаржыландырылды. Сондай шаруашылықтардыӊ бірі "Пахарь" КШ ЖШС болып табылады, аталған кәсіпорын Қазақстандағы 4 бағытта жұмыс істейтін ірі инвестициялық жоба: суару жүйесін қолданумен ашық топырақта өсірілген көкөніс өндіру, 12 000 тоннаға арналған көкөніс сақтау қоймасыныӊ құрылуы, ангус асыл тұқымды 1200 ІҚМ бастарына репродуктор құру және жемшөп өндіруге бағытталған. Аталаған бағыттардан басқа қазіргі уақытта 1200 ІҚМ бастарына арналған сүт-тауар фермасы іске қосылды. Соӊғы жоба бойынша ҚАҚ арқылы технологиялық жабдықтарды, асыл тұқымды ІҚМ, сонымен қатар ауыл шаруашылық техникасын сатып алу қаржыландарылғанын атап өткен жөн. Сонымен қатар аталған жоба шеӊберінде 60-тан астам жұмыс орындары құрылды, Холдингтіӊ еншілес компаниясы арқылы инвестициялық жобаларды қаржыландыру арқылы аймақта 1370 жұмыс орындары құрылды.
"ҚазАгро" Холдингі" АҚ компаниялар тобымен 2017 жылы Павлодар облысыныӊ АӨК қолдауына 10,1 млрд.теӊге бағытталды. Жалпы республика бойынша 2017 жылы Холдинг агросаланы қаржыландырыруға 226 млрд.теӊге сома бағыттады.
2017 жылы Холдингтіӊ несиелік ресурстары облыста 3 мыӊнан астам адамды жұмыспен қамтуға мүмкіндік берді /барлығы республика бойынша - 62,8 мыӊ адам/.
Павлодар облысы бойынша Холдингтіӊ инвестициялық портфелінде 22,7 млрд.теӊге сомасына 46 жоба бар. Іске қосылу мерзіміне 1619 жұмыс орындары құрылды. Бүгінгі уақытта 18,3 млрд.теӊге сомасына 42 жоба іске қосылды, 1539 жұмыс орындары құрылды.
2017 жылы 2,4 млрд.теӊге сомасына 12 несие серіктестері қаржыландырылды, 3 млрд.теӊге сомасына 163 бірлік ауыл шаруашылық және арнайы техникасын сатып алуға шарттар жасалды, 2,1 млрд.теӊге сомасына 480 микронесие берілді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.