Ақтөбеде "7-20-25" бағдарламасы аясында алғашқы жарна екі есеге азаймақ
Меморандумға сәйкес, Ақтөбе облысыныӊ әкімдігі аталған азаматтарға бастапқы жарнаныӊ жартысын төлеуді өз мойнына алады және осы мақсатқа 2 млрд. теӊге бөледі.
Астана. 14 қыркүйек. Kazakhstan Today - Ақтөбе облысы "7-20-25" бағдарламасыныӊ аясында "Жас арман" және "Қамқор баспана" өнімдеріне қосылды.
Бүгін Ақтөбе облысыныӊ әкімі Бердібек Сапарбаев пен "Баспана" Ипотекалық ұйымыныӊ басшысы Қайрат Алтынбеков тиісті меморандумға қол қойды. Осылайша, жас отбасылар мен Ақтөбе облысыныӊ бюджеттік сала қызметкерлері "7-20-25" бағдарламасы бойынша пәтер құныныӊ 10 пайызын ғана төлеп, үй алу мүмкіндігіне ие болады.
Меморандумға сәйкес, Ақтөбе облысыныӊ әкімдігі аталған азаматтарға бастапқы жарнаныӊ жартысын төлеуді өз мойнына алады және осы мақсатқа 2 млрд. теӊге бөледі.
"Ақтөбе облысыныӊ әкімі мен "Нұр Отан" партиясына бастапқы жарнаны азайту бойынша әлеуметтік бастамаларды қолдағаны үшін алғысымды білдіргім келеді. Облыс қарқынды дамып келеді және "7-20-25" бағдарламасына қатысушылардыӊ саны бойынша көшбасшылардыӊ бірі. Қазіргі уақытта біз "Нұр Отан" партиясымен бірлесе отырып, еліміздіӊ басқа өӊірлерінде де осы бастамаларды жүзеге асыру бойынша жұмыстар жүргізіп жатырмыз", - деді "Баспана" Ипотекалық ұйымыныӊ басшысы Қайрат Алтынбеков.
Естеріӊізге сала кетейік, Ақтөбе "7-20-25" бағдарламасы бойынша бастапқы жарнасы азайған екінші аймақ болып отыр. Бұған дейін Шымкент қаласында "Жас Арман" және "Қамқор Баспана" өнімдері пилот ретінде іске қосылған еді.
"Баспана" Ипотекалық ұйымы Сыртқы байланыстар қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.