Имя
E-mail
Тема
Текст
Логин     Пароль
20 сәуір 2018
  • 16
  • :
  • 37
17:00

Алматы облысы бойынша болжамдалатын МЖӘ жобаларыныӊ портфелі құны 211,8 млрд теӊге болатын 29 жобаны құрап отыр16.04.2018
Экономика  14:10
Талдықорған. 16 сәуір. Kazakhstan Today - Алматы облысында мемлекеттік-жекеменшік әріптестік (МЖӘ) саласына енгізілген өзгертулер бойынша түсіндіру жұмыстары жалғасуда.

Өӊірлік кәсіпкерлер палатасыныӊ директоры Нариман Әбілшайықовтыӊ айтуынша, "Мемлекеттік-жекеменшік әріптестік туралы" Заӊында мақұлданған өзгертулер мен толықтырулар МЖӘ жобаларын жоспарлаудыӊ бірқатар үрдістерін оӊтайландырған.

Мысалы, МЖӘ жобаларын жоспарлау үрдісініӊ мерзімі 5 кезеӊнен 3 кезеӊге дейін қысқарған. Яғни, инвестициялық ұсынысқа сараптама жүргізу, конкурсты өткізу мен келісім-шартты әзірлеу кезеӊдері қарастырылған.

Осылайша жобаныӊ тұжырымдамасы мен келісім-шарт жобасын сараптамадан өткізу қажеттілігі алынып тасталынды. Егер бұрын МЖӘ жобаларын дайындауға жартыжылдан астам уақыт кететін болса, қазір бұл мерзім 3 айға дейін қысқарды және тұжырымдаманыӊ орнына бизнес-жоспар әзірленеді.

Қосымша сараптамалар жүргізу болмайды. Себебі, "Бағдарламалық МЖӘ" енгізілген соӊ жеке серіктесті таӊдау үрдісін стандартталған МЖӘ жобалары бойынша жеӊілдетілген формада толтыруға болады.

Заӊныӊ тағы бір айтулы жаӊалығы - МЖӘ бойынша тауар, қызмет пен қызмет көрсетуді пайдалануға берілетін 3 жылдан кем емес кепілдік мерзімі туралы бөлім заӊға енді.

Сонымен бірге ұзақмерзімді мемлекеттік міндеттемелерді орындау бойынша кепілдік үшін МЖӘ жобаларын міндетті қазынашылық тіркеуден өткізуге бағытталған әлеуетті жеке әріптестер тізілімін әзірлеуді алынып тастайтын түзету енгізілді. Жобаларды іске асыру барысында валюталық қауіп-қатерді реттеу механизмдері жетілдірілді.

Бұл өзгертулердіӊ барлығы мемлекет пен жеке сектор арасындағы әріптестіктіӊ дамытуына тыӊ серпін береді, дейді облыстық Кәсіпкерлер палатасыныӊ басшысы Нариман Әбілшайықов.

Жалпы 2016-2019 жылдары Алматы облысында жалпы сомасы 220,5 млрд теӊге болатын 41 жобаны іске асыру жоспарланған болатын. Қазіргі таӊда оныӊ ішінде құны 8,7 млрд теӊге болатын 12 жоба жүзеге асырылды. Жобалардыӊ басым бөлігі ауыл шаруашылығы мен білім беру саласына байланысты.

Өткен жылы құны 6,6 млрд теӊге болатын 4 жоба іске асырылды. МЖӘ бойынша Қарасай ауданыныӊ Қаскелеӊ қаласында медициналық лаборатория ашылды, сенімді басқаруға автотранспорт шаруашылығы, блок-модульді қосалқы станциялар құрылысы мен іске қосу, медициналық мамандар мен жедел жәрдем жүргізушілерінніӊ кәсіби біліктілігін арттыру мен процесстерді автоматтандыру берілді, медициналық ақпараттық жүйе кешені құрастырылды, және Қарасай ауданында 150 орынға балалар бақшасы салынды.

"2017 жылы біздіӊ сүйемелдеуімізбен екі жоба қолдау тапты. Қарасай ауданында "Олимп" лабораториясы ашылды. Қазіргі таӊда Текелі қаласындағы қоғамдық бассейнніӊ аумағын модернизациялау мен көріктендіру жобасын іске асыру бойынша дайындық жұмыстары жүргізілуде. Қазіргі таӊда аудан және қала әкімдіктеріне стандартталған және мүмкіндіктері зор МЖӘ бойынша 7 жоба ұсынылды", - дейді Нариман Әбілшайықов.

Жалпы, Өӊірлік кәсіпкерлер палатасы тарапынан көшені жарықтандыруды жүйесін жаӊғырту бойынша жобаларға кәсіпкерлерді тарту жұмысары жалғасуда.

Жалпы Алматы облысы бойынша болжамдалатын МЖӘ жобаларыныӊ портфелі құны 211,8 млрд теӊге болатын 29 жобаны құрап отыр.
Просмотров: 1276

При использовании информации с сайта гиперссылка на информационное агентство Kazakhstan Today обязательна. Авторские права на материалы агентства.
Заметили ошибку на сайте? Выделите текст и нажмите Ctrl+Enter