Алматы облысында 2018-2027 жылдарға арналған мал шаруашылығын дамытудыӊ Ұлттық стратегиялық тұжырымдамасы таныстырылды
Бағдарламаны жүзеге асыру барысында 80 өндірістік мал бордақылау алаӊдары мен қазіргі заман талабына сай 7 ет өӊдейтін кешен құрылатын болады. Жаӊадан салынатын фермалар мен бордақылау алаӊдарыныӊ орналасуы өӊірлердіӊ мамандану схемасына сәйкес, климаттық жағдайлары ескеріліп салынатын болады.
Алматы. 20 сәуір. Kazakhstan Today - Бүгін Қазақстан Республикасы Премьер-Министрініӊ орынбасары - Ауыл шаруашылығы министрі Ө.Е. Шөкеев жұмыс сапарымен Алматы облысына барды.
Алматы, Жамбыл, Қызылорда, Оӊтүстік Қазақстан облыстарыныӊ ауыл шаруашылығы тауар өндірушілерініӊ қатысуымен өткен кеӊейтілген отырыста 2018-2027 жылдарға арналған мал шаруашылығын дамытудыӊ Ұлттық стратегиялық тұжырымдамасы таныстырылды.
Тұжырымдама Мемлекет басшысыныӊ жыл сайынғы Жолдауында қойған стратегиялық мақсаттарын іске асыру шеӊберінде, еӊ алдымен, агроөнеркәсіптік кешендегі еӊбек өнімділігін және экспорттық өӊделген ауыл шаруашылығы өнімдерін кем дегенде 2,5 есе арттыру мақсатында әзірленді.
Ұлттық стратегияныӊ негізін ірі өндірістер емес, отбасылық фермалар құрайды: мал шаруашылығында 50-100 аналық бас, 600 бас қой.
Өндірістіӊ құн тізбегі - шаруашылық-репродуктолог саналатын фермерлерге асыл тұқымды бұқаларды қамтамасыз етуден, ІҚМ өсіретін және бұқашықтарды бордақылайтын шаруашылықтардан, қарқынды бордақылау алаӊдары мен ірі қара малды өнеркәсіптік союға және дайын өнімді сақтайтын ет комбинаттары мен өнімдерді таратудан тұрады.
Бағдарламада 15 жылға дейінгі мерзімге және 4%-ға дейінгі сыйақы мөлшерлемесімен жеӊілдікпен несие беру қарастырылған.
Бағдарламаны жүзеге асыру барысында 80 өндірістік мал бордақылау алаӊдары мен қазіргі заман талабына сай 7 ет өӊдейтін кешен құрылатын болады. Жаӊадан салынатын фермалар мен бордақылау алаӊдарыныӊ орналасуы өӊірлердіӊ мамандану схемасына сәйкес, климаттық жағдайлары ескеріліп салынатын болады.
Кездесу өӊірлердегі тауар өндірушілердіӊ өзекті мәселелерін талқылау және пікір алмасу форматында жалғасты.
Ауыл шаруашылығыныӊ өндірістік процестерін автоматтандыру және цифрландыру, заманауи еӊ озық технологияларды қолдану мақсатында Министрліктен Агроөнеркәсіптік кешенді цифрландырудыӊ жобалау кеӊсесі құрылды. Кеӊсеніӊ жұмысы отандық ІТ-компаниялар мен ауылшаруашылығы тауар өндірушілерініӊ әлеуетін нығайтуға, әлемдік тәжірибеге бейімдеуге, агроөнеркәсіп кешенініӊ барлық салаларыныӊ қажеттіліктеріне арналған жаӊа жобаларды жасауға бағытталған.
"АПК Адал" сүтті-тауарлы фермасы еӊбек өнімділігін арттырып, қаржылық шығындарды азайтуға мүмкіндік беретін қазіргі заманғы өнімдерді есепке алудыӊ, далалық аймақтарды бөлу және нәтижелердіӊ тиімділігін бағалау жүйелерін белсенді түрде енгізуде. "АПК Адал" ЖШС басшылығы жиналысқа қатысушыларға цифрландыру жүйелерін іске асыру нәтижелерін таныстырды.
Агроөнеркәсіптік кешен субъектілерін қаржыландырудыӊ қолжетімділігін арттыру, өткізу нарықтарыныӊ кеӊеюі және ауыл шаруашылығы экспортын дамыту қажеттілігі мемлекеттік саясатты іске асырудыӊ басым бағыттарыныӊ бірі болып табылады. Бұл шаралар отандық бизнестіӊ даму перспективаларына және экспорттық әлеуетті арттыруға мүмкіндік береді.
ҚР АШМ Қоғаммен байланыс департаменті
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.