Алматыға орта есеппен тәулік сайын 600 мыӊ текше метр су беріледі
Орташа есеппен қалаға тәулік сайын 600 мыӊ текше метр су беріледі. Қалаға берілетін судыӊ 2/3 бөлігі 350-ден астам жер асты ұӊғымаларынан өндіріледі, ауыз судыӊ барлық көлемініӊ 1/3 бөлігі арнайы су дайындау станцияларында тазалау мен зарарсыздандырудыӊ толық циклынан өтетін тау өзендерінен келеді.
Алматы. 10 желтоқсан. Kazakhstan Today - Алматы қаласы Өңірлік коммуникациялар қызметі алаңында "Алматы су" холдингі басшылығының қатысуымен баспасөз мәслихаты өтті.
Алматы Су" МКК Алматы қаласы мен облысының тұтынушыларына сумен жабдықтау және су бұру қызметтерін көрсетеді.
Кәсіпорын қызметінің мақсаты Алматы қаласының су шаруашылығы жүйелері мен құрылыстарын пайдалану мен техникалық қызмет көрсету, сонымен бірге олардың қауіпсіздігін қамтамасыз ету болып табылады.
Кәсіпорын жалпы қуаты тәулігіне 1379 мың текше метр жер асты және жер үсті су көздерін, 3 293 км су құбыры желілерін және 1 577 км кәріз желілерін, қуаттылығы тәулігіне 640 мың текше метр кәріз тазарту құрылыстарын пайдаланады.
Орташа есеппен қалаға тәулік сайын 600 мың текше метр су беріледі. Қалаға берілетін судың 2/3 бөлігі 350-ден астам жер асты ұңғымаларынан өндіріледі, ауыз судың барлық көлемінің 1/3 бөлігі арнайы су дайындау станцияларында тазалау мен зарарсыздандырудың толық циклынан өтетін тау өзендерінен келеді.
Сумен жабдықтау және су бұру қызметтеріне тарифтер 2014 жылғы қаңтардан бастап енгізілген және қазіргі уақытқа дейін өзгеріссіз қалуда.
Тарифтер тұтынушылардың екі тобы бойынша сараланған:
- тұрғындар және жылумен қамтамасыз ету ұйымдары үшін сумен жабдықтау бойынша 1 текше метрге 55,56 теңге ҚҚС-мен; тұрғындар үшін су бұру бойынша 1 текше метрге 28,80 теңге ҚҚС-мен.
- басқа тұтынушылар - заңды тұлғалар үшін (сумен жабдықтау бойынша 1 текше метрге 152,74 теңге ҚҚС-мен және су бұру бойынша 1 текше метрге 52,61 теңге ҚҚС-мен) және Республикадағы ең төмен тарифтердің бірі болып табылады.
2017 жылы Кәсіпорынның инвестициялық бағдарламасы 2,4 млрд.теңге сомасына толық көлемде орындалды, 2018 жылға инвестициялар 2,7 млрд. теңгені құрайды, орындалуы 100% құрайды.
Қызмет көрсетудің сенімділігі мен үздіксіздігін қамтамасыз ету үшін, шығындар мен апаттарды азайту үшін жыл сайын су құбыры мен кәріз желілерін қайта жаңарту жүргізіледі. Желілерде бекіткіш-реттегіш арматурасы ауыстырылады.
o 9,3 км су құбыры желілері мен 2,3 км кәріз желілерін қайта жаңарту және ағымдағы жөндеу жұмыстары жүргізілді;
o 2 бірлік ТСР және 3 сорғы станцияларын жөндеу жұмыстары аяқталды;
o 200 км астам су құбырында жуу жұмыстары жүргізілді, 349 км кәріз желілері тазартылды, 906 (7,8 мың) өрт сөндіру гидранттары, 1945 бекіту арматуралары (27 мың), 150 сорғы жабдықтары ауыстырылды және жөнделді, 19 мың (80 мыңнан астам) кәріз құдықтары мен камералары тазаланды, 1000 астам құдықтар жөнделді, 300 астам кәріз люктері ауыстырылды.
Кәсіпорынның өндірістік процесі энергия сыйымды болып табылады, сумен жабдықтау қызметтерінің шығынындағы электр энергиясының үлесі 20% құрайды. Инвестициялардың басым бағыттары энергия үнемдеу - сорғы жабдықтарын (батырмалы және ортадан тепкіш сорғыларды) ауыстыру, ауа үрлейтін кәріз машиналарын жаңғырту жөніндегі іс - шаралар болып табылады.
Цифрлық су арнасы" бағдарламасы аясында 19-20 жылдары су өндіру мен су дайындау процесінен бастап тұтынушыға су берілгенге дейін, сарқынды суларды бұру мен тазартуға дейін барлық өндірістік тізбекті толығымен автоматтандыру жоспарлануда. Бұл жобаларды іске асыру электр тұтынуды төмендетуге, апаттық бригадалар қызметтерінің жедел болуына, жабдықтардың тозу деңгейін қысқартуға және тұтынушыларға қызмет көрсетуді жақсартуға мүмкіндік береді.
Мамыр айынан бастап дебиторлық берешекті өндіріп алу бойынша іс-шаралар белсенді жүргізілуде.
Белсенді жұмыстардың арқасында, соның ішінде борышкерлерді су құбыры мен кәрізден ажырату сияқты қатаң шараларды қолдана отырып, тұрғындар мен заңды тұлғалардың қарызы екі есеге төмендеді.
Дебиторлық берешекті азайту мақсатында іс-шаралар кешені жүргізілді, оның ішінде:
- Борышкерлерді қызметтен ажырату (2018 жылы 15,6 мың абонент қызметтен ажыратылды)
- Сот органдарына 1833 талап-арызы берілді
- Борышкерлерге қатысты орындау жазбасын жасауға нотариуспен шарт жасалды. Орындау жазбасы сот шешімінің күшімен теңестіріледі және ЖСО орындауы үшін тікелей ұсыныла алады.
3 ай ішінде нотариустарға 847 іс берілді.
- жыл басынан ЖСО 1727 материал берілді
- ЖСО-мен жұмыс жақсарды, ЖСО саны 16-ға дейін артты.Мамыр айында су мен кәріз үшін қарыз сомасы 300 млн. - нан асатын еді, қазіргі уақытта 100 млн. - ға дейін төмендеді.
Джарболов Нұриддин Мүсірұлы - "Холдинг Алматы Су" МКҚ директорының орынбасары,бас инженер;
Нахметова Гүлнар Майданқызы - "Холдинг Алматы Су" МКҚ директорының орынбасары,су құбыры желілері департаментінің директоры;
Сайлаубай Айдын Сайлаубайұлы - Коммерциялық директор; Өтім жөніндегі департамент директоры;
Шагиров Серік Ғабдоллаұлы - "Алматы Су" МКК ресми өкілі;Ақпарат және қоғамдық байланыстар бөлімінің басшысы.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.