"Almaty Invest 2017" Халықаралық инвестициялық форумы 5 қазанда өтеді
Форумныӊ басым міндеті шетелдік инвесторларды тарту, сондай-ақ іске асырылған жобалармен қатар инвестициялар салуды қажет ететін келешек жобалардыӊ да тұсау кесерлерін көрсету болып табылады.
Алматы. 22 қыркүйек. Kazakhstan Today - 2017 жылғы 5 қазанда "Almaty Invest 2017" Халықаралық инвестициялық форумы өтеді. Форумныӊ ұйымдастырушысы Алматы қаласыныӊ әкімдігі болып табылады. "Almaty Invest" жыл сайын өзініӊ алаӊында беделді саясаткерлерді, әлемдік және қазақстандық бизнес көшбасшыларын, инвестициялық корпорациялар, қаржы институттары және халықаралық ұйымдар басшыларын қоса алғанда, шамамен 500 жоғары шенді қатысушыларды жинайды. Форумға ТМД елдерінен, Еуропалық одақтан, Жапониядан, Кореядан, ҚХР, Түркиядан, Үндістаннан және т.б. елдерден қонақтар келеді деп күтілуде.
Форумныӊ басым міндеті шетелдік инвесторларды тарту, сондай-ақ іске асырылған жобалармен қатар инвестициялар салуды қажет ететін келешек жобалардыӊ да тұсау кесерлерін көрсету болып табылады.
Осы жылы бағдарламада логистикаға, білім саласына, тамақ өнеркәсібіне және кино өндірісіне арналған 4 секция көзделген. Бұл бағыттардыӊ барлығы - іске асыруға арналған басым және келешек бағыттар, бұдан басқа, олар соӊғы 5 жыл ішінде қаржыландырылған нақты бизнес-жобаларды айқындайды.
Форумда Македония Республикасыныӊ Инвестициялар жөніндегі экс-министрі Глигор Ташкович мырза, "Sethia Group" India & UK төрағасы, Newby Teas негізін қалаушы Нирмал Кумар Сетия, "Selma group" құрылтайшысы, "Cameroil & TEC AG" бас директоры Майкл Боно, ТВ-продюсері, MTV ТА продюсері Ричард Корам, ірі қазақстандық инвестор Айдан Кәрібжанов, тәуелсіз экономист Рахым Ошақбаев және басқалар сөз сөйлейді.
Бұдан бұрын 2016 жылғы желтоқсанда өткен форум шеӊберінде 316,6 млрд. теӊгеге 40 инвестициялық шарт жасалды. Қазір 7,7 млрд. теӊгеніӊ 5 жобасы іске асырылды, 1230 жұмыс орны құрылды. Ұйымдастырушылар жаӊа форум нәтижесінде тағы да тікелей шетелдік инвестицияларды тартуды көздеп отыр,- деп хабарлайды Алматы қаласы Кәсіпкерлік және индустриялық-инновациялық даму басқармасы.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.