Байқоӊыр қаласындағы алғашқы әлеуметтік нысандар Қазақстанныӊ газ тарату жүйесіне қосылды
Осыған дейін сұйытылған газ пайдаланып келген Байқоӊыр қаласыныӊ тұрғындары үшін бұл - айтулы оқиға. Қалаға табиғи газ берілуі - шағын және орта бизнесті дамытып, жаӊа жұмыс орындарын ашуға, яғни әлеуметтік-экономикалық өсімге жол ашылады.
Қызылорда. 18 қараша. Kazakhstan Today - Байқоӊыр қаласында 17 қарашада шаһар нысандарын Қазақстанныӊ газбен қамту жүйесіне қосуға арналған салтанатты шара өтті. Оған Қызылорда облысыныӊ әкімі Қырымбек Көшербаев, "ҚазТрансГаз Аймақ" АҚ Бас директоры Манас Тасыбаев және Байқоӊыр қаласы әкімшілігініӊ басшысы Константин Бусыгин қатысты.
Осыған дейін сұйытылған газ пайдаланып келген Байқоӊыр қаласыныӊ тұрғындары үшін бұл - айтулы оқиға. Табиғи көгілдір отынға көшудіӊ артықшылықтары айқын - табиғи газды тұрмыста пайдалану әлдеқайда қолайлы әрі қауіпсіз, өзге отын түрлерімен салыстырғанда бағасы да айтарлықтай арзан. Қалаға табиғи газ берілуі - шағын және орта бизнесті дамытып, жаӊа жұмыс орындарын ашуға, яғни әлеуметтік-экономикалық өсімге жол ашылады.
Алғашқы 6 тұрғын үйден өзге, 6 мектеп пен 1 бала бақша көгілдір отын құбырына жалғанды. Газ автономды қазандықтарға да берілуде.
Байқоӊыр қаласын Қазақстанныӊ табиғи газына қосу үшін ұлттық оператор "ҚазТрансГаз" АҚ өз қаражаты есебінен қажетті инфрақұрылымды толығымен салды. "Бейнеу-Бозой-Шымкент" магистралдық газ құбырынан "Байқоӊыр" автоматтандырылған газ тарату станциясына (АГТС) дейін ұзындығы 4 шақырымдық бұрма газ құбыры салынды. Ал АГТС-тен қалаға дейін ұзындығы 10 шақырым жеткізуші газ құбыры төселді. Қала ішіндегі құбырлардыӊ ұзындығы 33,5 шақырымнан асады. Қалада 20,6 мыӊ абонентті газ құбырына қосу жоспарланып отыр, бұл - 300 аса көппәтерлі үй.
Биыл маусым айында өткен "Байқоӊыр" кешені жөніндегі Ресей-Қазақстан үкіметаралық комиссиясыныӊ 5-ші отырысында, "ҚазТрансГаз" АҚ, Қызылорда облысыныӊ әкімдігі, Байқоӊыр қаласыныі әкімшілігі, "ЦЕНКИ" ФҰББ арасындағы ынтымақтастық арқасында қаланы газдандыру сызбасы бекітілді.
19 қазанда Астанада Байқоӊыр тарихында тұӊғыш рет "Газ шаруашылығы" қалалық біртұтас мекемесі, "ҚазТрансГаз" АҚ және "ҚазТрансГаз Аймақ" АҚ арасында келісімге қол қойылды. Келісім негізінде қаладағы нысандар табиғи газ тұтына бастады.
Байқоӊыр қаласын газдандыруға арналған жұмыстар 2014 жылы бастау алды. Сол жылы қараша айында "Бейнеу-Бозой-Шымкент" магистралдық газ құбырынан "Байқоӊыр" автоматтандырылған газ тарату станциясына дейінгі бұрма газ құбырыныӊ құрылысы басталды.
Бұл нысан ұлттық оператор "ҚазТрансГаз" жүзеге асырған "Қызылорда облысыныӊ 5 елді мекенін газдандыру" ауқымды инвестициялық жобасыныӊ аясында тұрғызылды.
Анықтама:
"Қызылорда облысыныӊ 5 елді мекенін газдандыру" инвестициялық жобасы 2013 жылы Қызылорда облысы әкімдігі мен "ҚазТрансГаз Аймақ" АҚ арасында қол қойылған меморандум шеӊберінде жүзеге асырылды. Жоба аясында Байқоӊыр мен Арал қалалары және Шиелі, Жаӊақорған, Ийтеке би кенттерінде 5 АГТС пен көшеаралық газ құбырлары салынды. Осыныӊ арқасында өӊірдіӊ 200 мыӊға тарта тұрғыны табиғи газды тұтыну мүмкіндігіне ие болды. Байқоӊыр қаласы жылына орта есеппен 1650 тонна сұйытылған газ пайдаланады, деп хабарлайды "ҚазТрансГаз" АҚ баспасөз қызметі.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.