Қазақстан мен Германия органикалық өнім өндіруді сертификаттауды талқылады
Қазақстанда органикалық өндірісті дамыту белсенді қалыптасу кезеӊінде. Қазіргі кезде халықаралық стандарт бойынша 30-дай сертификатталған өндіруші бар, олар органикалық өнім өндіруге 300 мыӊ га жерді игеруде. Қазіргі күні бұл өнім экспортқа бағытталған, бірақ Қазақстанда қажетті жағдай жасалған жағдайда жеке ішкі нарыққа да арнап өнім өндіруі мүмкін.
Астана. 11 тамыз. Kazakhstan Today - ҚР ИДМ Техникалық реттеу және метрология комитетініӊ Ұлттық аккредиттеу орталығында осы аптада ҰАО бас директорыныӊ орынбасары Айтмұхан Мусин Германия Федеративті Республикасы Азық-түлік және ауыл шаруашылғы федералды министрлігініӊ (BMEL) делегациясымен және "GFA Group GmbH" компаниясынан Жудит Конспен (Judith Kons) кездесу өткізді.
Осы кездесу "Қазақ-Герман аграрлық саяси диалогы" жобасы бойынша бірлескен жұмыс жүргізу аясында Дитхард Рудерттіӊ басшылығымен өтті.
Кездесу барысында жоба аясында бірлескен жұмыс қорытындысы мен Қазақстандағы органикалық өнім өндіруді сертификаттау саласындағы жоспарланған бірлескен іс-шаралар талқыланды.
Осы кездесуге "Ұлттық сараптама және сертификаттау орталығы" АҚ-ныӊ өнімдер мен қызметтердіӊ сәйкестігін растау Орталық органыныӊ өнімдер мен қызметтердіӊ сәйкестігін растау бөлімініӊ бастығы - Гаухар Ахметова қатысты.
"Қазақ-Герман аграрлық саяси диалогы" жобасыныӊ көмегімен Қазақтанда органикалық өнім өндіруді сертификаттау жүйесін дамыту басталды, аграрлық-саяси диалог жобасыныӊ көмегі өте заманауи және жоғары кәсіби деӊгейде.
Жобаға тартылған Германияныӊ сарапшылары бірнеше мәрте семинарлар өткізді, қазақтандық стандарттарға сараптама жүргізді, Ұлттық аккредиттеу орталығы мен Сәйкестікті растау органдарыныӊ мамандарына арнап тағылымдама ұйымдастырды, органикалық өнім өндіру сәйкестігін растау саласындағы өз тәжірибелерімен және білімдерімен бөлісті.
Бүгінгі күні органикалық ауыл шаруашылығы - қазіргі күні күш алып жатқан әлемдік трендтіӊ бірі.
Қазақстанныӊ ауыл шаруашылығы алқаптарыныӊ жалпы алаӊы 177,8 млн.га, оныӊ ішінде жайылымдық жер - 146,9 млн.га, шабындық жер мен кендер - 26,7 млн.га, шабындық жер - 4,2 млн.га-ны құрайды. Экологиялық таза аумақтыӊ болуы органикалық ауыл шаруашылығын дамыту үшін қолайлы жағдай туғызады.
Қазақстанда органикалық өндірісті дамыту белсенді қалыптасу кезеӊінде. Қазіргі кезде халықаралық стандарт бойынша 30-дай сертификатталған өндіруші бар, олар органикалық өнім өндіруге 300 мыӊ га жерді игеруде. Қазіргі күні бұл өнім экспортқа бағытталған, бірақ Қазақстанда қажетті жағдай жасалған жағдайда жеке ішкі нарыққа да арнап өнім өндіруі мүмкін.
Бүгінгі күні органикалық тамақ өнімін өндіру "Органикалық өнім өндіру туралы" 2015 жылғы 27 қарашадағы Қазақстан Республикасы Заӊыен және "Техникалық реттеу туралы" 2004 жылғы 9 қарашадағы Қазақстан Республикасыныӊ Заӊымен реттеледі.
Қазақтанда органикалық өнім өндіруді сертификаттау қазақстандық органикалық өнім өндіруді дамытуға, экологиялық балансты жақсартуға түрткі болатыны хақ, топырақты жақсартуға жағдай туғызады, органикалық отандық өнімді тұтынуды ұлғайтуға дем береді. Бұныӊ бәрі халықтыӊ денсаулығын жақсартуға ықпал етеді әрі органикалық өнімді шет елге экспорттауды ұлғайтады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.