Қазақстан Ұлттық Банкі экономиканы біртіндеп қалпына келтіру үрдісін атап өтті
Экономиканы біртіндеп қалпына келтіру үрдісі жалғасып келеді. Базалық салаларды дамыту үрдістерін сипаттайтын қысқамерзімді экономикалық индикатор 2016 жылғы қарашада жылдық көрсетілуде 2,7%-ға өсті.
Алматы. 9 қаӊтар. Kazakhstan Today - Экономиканы біртіндеп қалпына келтіру үрдісі жалғасып келеді. Базалық салаларды дамыту үрдістерін сипаттайтын қысқамерзімді экономикалық индикатор 2016 жылғы қарашада жылдық көрсетілуде 2,7%-ға өсті. Бұл ретте, 2016 жылғы 11 ай ішінде жинақталған қорытындымен аталған көрсеткіштіӊ өсуі жылдық көрсетілуде 0,5%-ды құрады, бұл жылдыӊ басынан бастап байқалған құлдырау аймағынан шығуды растайды. Мұндай деректерді брифинг барысында журналистерге Қазақстан Ұлттық Банкініӊ Төрағасы Данияр Ақышев мәлім етті,- деп хабарлайды Kazakhstan Today.
Сондай-ақ Д. Ақышев "нарықта шамадан тыс теӊге өтімділігі сақталып отыр. Дағдарыс құбылыстарыныӊ туындауыныӊ алдын алу үшін, сондай-ақ инфляциялық қысымныӊ күшеюін болдырмау үшін Ұлттық Банк қысқамерзімді ноттарды шығара отырып оны алып отырады" деп атап өтті.
"7 және 28 күндік ноттардан басқа, Ұлттық Банк одан да ұзын ноттарды шығарады, олар банктер тарапынан жоғары сұранысқа ие.Ноттарды шығару кірістілігі қисығыныӊ қысқа мерзімді бөлігін қалыптастыруға мүмкіндік беретін тиімді құрал болды. 9 желтоқсанда бір жылдық ноттарды орналастыру бойынша үшінші аукцион өткізілді, бұл ретте, оларға сұраныс ұсыныстан 3 еседен астам артық болды", - деп нақтылады Ұлттық Банк басшысы.
Бұдан басқа, Д. Ақышев "желтоқсанда Ұлттық Банк қайталама нарықта Қаржы министрлігініӊ айналыс мерзімі 2-ден бастап 5 жылға дейін болатын мемлекеттік бағалы қағаздардыӊ бұрын мәлімделген көлемін сатуды аяқтады. Бұл қалыптасып келе жатқан кірістілік қисығын ұзартуға және оныӊ ортамерзімді секторын қалыптастыруға мүмкіндік берді. Қаржы министрлігініӊ 5 жылдық қазынашылық облигацияларын орналастыру бойынша 2016 жылғы 20 желтоқсанда өткен соӊғы аукционныӊ кірістілігі 9,3% болды" - деп хабарлады.
Нәтижесінде, желтоқсанныӊ соӊында ақша нарығында Ұлттық Банктіӊ өтімділікті таза алуы 1964,0 млрд. теӊге болды. ҚРҰБ-ныӊ ашық позицияларыныӊ көлемі тікелей РЕПО операциялары бойынша 35,05 млрд. теӊге, кері РЕПО операциялары бойынша - 389,39 млрд. теӊге, Ұлттық Банктегі банк депозиттері бойынша - 323,46 млрд. теӊге болды. Айналыстағы қысқамерзімді ноттар 2 518,7 млрд. теӊгеге жетті.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.