Қызылорда облыстық Кәсіпкерлер палатасы "Ийелдерге арналған кәсіпкерлік апталығында" 200-ден астам қыз-келіншекті тегін оқытты
"Қыз-келіншектер бизнесі" жобасына наурыз айында өткен апталық барысында түскен 180 өтініштіӊ ішінен 100 анкета иесі таӊдалып алынды. Бүгінде анкеталарға сай топтар құрылып, тәлімгерлер анықталды.
Қызылорда. 13 сәуір. Kazakhstan Today - Қызылордада Кәсіпкерлер палатасы жанындағы Іскер әйелдер кеӊесі "Ийелдерге арналған кәсіпкерлік апталығында" 200-ден астам қыз-келіншекті тегін оқытты.
Бұл туралы Іскер әйелдер кеӊесініӊ төрайымы Жанна Аманова айтты.
"Қыз-келіншектерге арналған арнайы апталық ұйымдастыруыма аймақтағы нәзік жандылардыӊ сұранысы себеп болды. Алғаш кеӊес жұмысын қолға алғанда өз кәсібін ашқысы келетін жандарды көрдім, бірақ басым бөлігінде қорқыныш бар. Неден бастау керектігін, қайда бару қажеттігін біле бермейді", - деген Кеӊес төрайымы биыл тыӊ бастаманы қолға алып, арнайы апталық ұйымдастырды. Апталық деп аталса да бір ай көлемінде өткізілген шараға қызылордалық қыз-келіншектер белсенді қатысты.
"Аймақта кәсіппен айналысатын нәзік жандылар қатарын көбейтуға белсенді атсалысып, апталықтыӊ оқыту курстарында тегін мастер-кластар өткізген облыстық іскер әйелдер кеӊесініӊ мүшелеріне алғысымды айтқым келеді. Апталық 1-30 наурыз аралығында өтті. Қорытынды шараны Іскер әйелдер кеӊесініӊ 2 жылдығы аясында қаладағы "Достық" үйінде өткіздік. Бұл шара одан әрі кәсіппен айналысуға дайын, икемі бар қыз-келіншектердіӊ тізілімін қалыптастыруға сеп болды. Енді алда "Қыз-келіншектер бизнесі" атты оқыту жобасын қолға алып жатырмын", - деді Жанна Аманова.
"Қыз-келіншектер бизнесі" жобасы аясында осы жылдыӊ мамыр-тамыз айлары аралығында бизнес-тәлімгерлер тегін оқыту тренингтерін өткізетін болады. Шара демалыс күндері сағат 15.00-ден 18.00 аралығында өтеді.
Бұл туралы Жанна Аманова: "Қыз-келіншектер бизнесі" жобасына наурыз айында өткен апталық барысында түскен 180 өтініштіӊ ішінен 100 анкета иесі таӊдалып алынды. Бүгінде анкеталарға сай топтар құрылып, тәлімгерлер анықталды. Кәсібін жүргізген азаматшаларға Кәсіпкерлер палатасы тарапынан да тегін сервистік және өзге де қызметтер көрсетілетін болады. "Қыз-келіншектер бизнесі" жобасы 6 мамыр мен тамыздыӊ соӊына дейін өтеді. Апта сайын өткізілетін тренингтерде қатысушылар бизнес саласында жетістікке жеткен азаматтар Раушан Базарбай, Мәдина Төлепова, Қанат Худжабергенов, Исия Қирбаева, Ақмарал Баймаханова, Наталья Мишукова сынды азаматтардан дәріс алатын болады", - деді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.