ОҚО-да цифрлық технологияны қолданудыӊ нәтижесінде құс етін өндіру 5 есеге артты
Бүгінде бағбандар озық технологияныӊ нәтижесінде 2,8 мыӊ гектар жерге егілген қарқынды баудыӊ өнімділігі, дәстүрлі тәсілмен егілген 29 мыӊ гектар баудыӊ өнімділігіне қарағанда 1,5 - 2 есеге артқанына көз жеткізді.
Шымкент. 12 ақпан. Kazakhstan Today - Оӊтүстік Қазақстан облысындағы агроөнеркәсіп кешеніне цифрлық технологияларды қолдану қарқынды дамып келеді. Мәселен, облыста заманауи технологиялар егін шаруашылығы мен мал шаруашылығында ендіріліп, оныӊ жемісін бүгінде ауыл шаруашылығы мамандары көріп келеді. Бүгінде бағбандар озық технологияныӊ нәтижесінде 2,8 мыӊ гектар жерге егілген қарқынды баудыӊ өнімділігі, дәстүрлі тәсілмен егілген 29 мыӊ гектар баудыӊ өнімділігіне қарағанда 1,5 - 2 есеге артқанына көз жеткізді. Бұл кешегі Елбасы Жолдауыныӊ үшінші бағытында айтылған "Ақылды технологиялар" - агроөнеркәсіп кешенін қарқынды дамыту тапсырмасына саяды.
Ал өӊірдегі жылыжайлардыӊ 70 гектары автоматтандырылған. Осыныӊ арқасында 1 гектарға шаққандағы өнімділік 1 жылда 200 тоннадан астам қияр мен 400 тоннаға жуық қызанақ береді. Жалпы 2017 жылы облыс бойынша жылыжайлардыӊ көлемі 2016 жылмен салыстырғанда 18 пайызға артып, 1 325 гектарды құрады. Сонымен қатар тамшылатып суару 16 пайызға артып, 59,1 мыӊ гектарды құрады.
Бұдан бөлек, мал шаруашылығында барлық мал басыныӊ есебі автоматтандырылып отыр. Бұл шара, малдардыӊ қозғалысын және барлық ветеринарлық іс-шараларды тұрақты бақылауға мүмкіндік береді. Сонымен қатар облыстағы мал шаруашылығы өнімін өндіру мен өӊдеуде жаӊа технологиялар белсенді түрде қолдануда. Мысалы, сүт өндірісін дамытумен айналысатын "Бөрте-Милка" сүт тауарлы фермасы сиырды сауудан бастап азықтандыру және сүтті сақтауға дейінгі процесті автоматтандырылған жүйе арқылы атқарады. Өндірісті автоматтандыру нәтижесінде кәсіпорында 1 сиырдан жылына 7 мыӊ литрге дейін сүт алынады, ал дәстүрлі тәсілмен өнімділік 3 мыӊ литрді құрайды.
Сонымен бірге облыстағы 2,7 млн. бас құсыныӊ 1,2 миллионы заманауи автоматтандырылған құс фермаларында ("Шымкент құс", "Ордабасы құс")өсіріледі. Онда тауықтарды қоректендіру, жұмыртқа жинау, сою, дайын өнімді сақтау мен санитарлық жұмыстардыӊ барлығы автоматтандырылған жүйе арқылы іске асырылады. Цифрлық технологияны қолданудыӊ нәтижесінде құс етін өндіру 5 есеге дейін артты.
Ал еуропалық стандартарға сәйкес келетін "СПК Хамит" 2,7 мыӊ тонна өӊделген балық өнімдерін шығарса, "Ақ санат инжениринг" 1 мыӊ тонна тірі балық өсірді. Бұл кәсіпорындардыӊ өнімдері Еуропа мемлекеттеріне экспортталады. Жалпы ауыл шаруашылық саласыныӊ өнімділігін артыру мақсатында заманауи технологияларды ендіру және өндіру мен өӊдеу процесстерін автоматтандыру жұмыстарын іске асыру жергілікті атқарушы биліктіӊ басты міндеттерініӊ бірі болып отыр.
ОҚО әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.