ОҚО-да шардаралық диқан инновациялық әдіспен 33 гектарға пияз екті
Оӊтүстік Қазақстан облысы Шарадара ауданында көктемгі егіс егу науқаны басталды. Оныӊ ішінде жаушықұмдық диқаншы алғаш болып инновациялық әдіс бойынша пияз егуді бастап кетті
Шымкент. 17 наурыз. Kazakhstan Today - Оӊтүстік Қазақстан облысы Шарадара ауданында көктемгі егіс егу науқаны басталды. Оныӊ ішінде жаушықұмдық диқаншы алғаш болып инновациялық әдіс бойынша пияз егуді бастап кетті. Аталған әдіспен пияз егуді бірнеше жыл бұрын қолға алған "Тұрар" ауыл шаруашылығы өндірістік кооперативі 33 гектар алқапқа пияз тұқымын сеуіп шықты.
Шаруаныӊ айтуынша, бұл технология бір мезетте бірнеше жұмысты атқарып шығады екен. Біріншіден түйір кесек қалдырмай үгітілген топыраққа 3 см-ден тұқым тастаса, екіншіден тамшылатып суаратын су түтігін қоса көміп кетеді. Сапасы жоғары голландтық пияздыӊ тұқымы біркелкі егілгендіктен шығымы да түгел болады.
"Бір гектарға 5 келідей тұқым кетеді. Жаӊа технологияны ендірудіӊ арқасында шығын көлемі бұрынғыдан 5 есе азайып, есесіне өнімділік арта түсті. Өткен жылы әр гектарына 100 тоннадан өнім алдық",- деді "Тұрар" ауыл шаруашылығыныӊ төрағасы Юрий Ан.
Биыл жалпы шардаралық диқандар 59 300 гектар алқапқа егін екпек. Ал ауыл шаруашылығы дақылдарын әртараптандыру мақсатында осы жылы былтырғы 2017 жылмен салыстырғанда жаздық арпа 1573 гектардан 2000 гектарға, күріш 896 гектардан 1200 гектарға, дәндік жүгері 2723,7 гектардан 6400 гектарға, жаӊа жоӊышқа 4484 гектардан 5000 гектарға, бақша 8815,3 гектардан 11050 гектарға, бір жылдық және көп жылдық мал азықтық дақылдары 22365 гектардан 24358 гектарға ұлғайту межеленуде. Керісінше мақта дақылын егу 20460 гектардан 12000 гектарға дейін азайып отыр.
Шаруашылықтыӊ тұқым себу жұмысымен танысқан аудан әкімі Болатбек Қыстауов жаӊа технологиямен егін егу - шаруа шығынын азайта отырып, мол өнім алуға қол жеткізетінін атап өтті.
" "Тұрар" ауыл шаруашылығы өндірістік кооперативінде жаӊа әдіспен егін егуді бастап жатыр. Озық технологияны пайдалану дегеніміз - шаруа шығынын азайта отырып, мол өнім алуға қол жеткізу екені белгілі. Юра бауырымыз былтыр жоғары жетістікке қол жеткізген, биыл да сол биіктен көрінеміз деп сенеміз. Бұл шаруашылық пияздан бөлек тағы да 33 гектар алқапқа мақта дақылын, 10 гектар алқапқа бақша дақылдарын тамшылатып суару әдісімен егуді жоспарлап отыр. Қазіргі таӊда мемлекет тарапынан қойылып отырған міндеттіӊ бірі - ауыл шаруашылығы саласын әртараптандыру. Яғни, ауыспалы егісті сақтай отырып, диқандарымыз табысы мол дақыл түрлерін егуді қолға алу керек. Бұл бағытта тиісті жұмыстар жүргізіліп жатыр, - деді аудан басшысы.
Қазіргі күні диқан қауымы жер жырту жұмысын аяқтап, сор шаю, ылғалдандыру жұмыстарымен айналысуда. Ал аудан әкімініӊ өкімімен "Ауданда 2018 жылғы көктемгі дала жұмыстарына жәрдемдесу жөніндегі" аудандық штаб құрылды. Бүгінгі таӊда ауданда тракторлардыӊ 941 данасы көктемгі дала жұмыстарына тартылуда.
ОҚО әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.