Өӊірлік индустрияландыру картасы аясында Түркістан облысыныӊ Келес ауданында жыл басынан бері 9 жоба іске асырылды
Құрылыс саласында ағымдағы жылы жалпы құны 15 млрд. 579 млн. теӊгені құрайтын 24 нысанныӊ құрылысы жүргізіліп жатыр. 17 нысан 2019 жылға өтпелі.
Түркістан. 10 желтоқсан. Kazakhstan Today - Өӊірлік индустрияландыру картасы аясында Түркістан облысыныӊ Келес ауданында жыл басынан бері 9 жоба іске асырылды. Жобалардыӊ жалпы құны - 592,1 млн теӊгены құрайды. Нәтижесінде 100-ден астам жұмыс орны ашылды. Сондай-ақ, алдағы жылы 3 ірі жобаны іске асырылу көзделуде. Олардыӊ жалпы құны - 4 млрд. 100 млн. теӊге. Аталған жобалар жүзеге асса, 90 адам жұмыспен қамтылмақ. Бұл туралы Түркістан облысыныӊ Өӊірлік коммуникациялар қызметінде өткен брифингте Келес ауданыныӊ әкімі Ақментай Есбаев мәлім етті.
Алдағы жылы ауданда жүзеге асатын жобалар: құны 1 млрд. теӊгелік "Оӊтүстік Агропродакшн" ЖШС 310 гектар аумаққа жерге грек жаӊғақ егу, "Бес Қара" ЖШС 400 га қарқынды бау егу (құны 3 млрд. теӊге), "Көшім" ШҚ-ныӊ балық өсіру және балық етін өӊдеу (құны 100 млн. теӊге) жобасы.
"Кәсіпкерлікті дамыту аясында белсенді шағын және орта бизнес бойынша өӊірде белсенді кәсіпкерлік субъектілер саны 7279 бірлікті құрап, тиісті кезеӊмен салыстырғанда 1,2 пайызға артқан. Салада шығарылған өнімдер мен көрсетілген қызмет көлемі 23,2 млрд. теӊгені құрап, 4,1 пайызға және бюджетке тиесілі төленген салық төлемдері 5,3 пайызға артып, 327 млн. теӊгені құрады. Сонымен қатар, негізгі капиталға бағытталған инвестиция көлемі 3020,5 млн. теӊге құрап отыр", - деді Ақментай Үсенұлы.
Ауыл шаруашылығы саласында жылыжай жыл басынан бері 10,6 гектар аумаққа салынған болса, тамшылатып суару әдісі 287 гектар жерге енгізілген.
Құрылыс саласында ағымдағы жылы жалпы құны 15 млрд. 579 млн. теӊгені құрайтын 24 нысанныӊ құрылысы жүргізіліп жатыр. 17 нысан 2019 жылға өтпелі.
Ал инфрақұрылым бойынша табиғи газбен қамтуда 83 елді мекенніӊ ішінде 38-не көгілдір отын жеткізілген. 2019 жылы табиғи газбен қамтуды ауданда 86,3 пайызға жеткізу көзделуде. Ауыз сумен қамту бойынша барлық 83 елді мекенніӊ құбыр сумен қамтылғаны 40. Алдағы жылы ауыз сумен қамту деӊгейін 72,4 пайызға жеткізу жоспарланып отыр. Сондай-ақ, сапалы электр қуатымен қамту бойынша ауданда қазіргі таӊда 40 елді мекенді құрады. 2019 жылы қамту деӊгейін 71,1 пайызға жеткізу межеленген.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.