Оӊтүстік Қазақстан облысындағы "ЕуроКристалл" зауыты жылына 210 миллион банкілер мен бөтелкелер шығарады
Ол зауыт "2020 жол картасы бизнесі" мемлекеттік бағдарлама шеӊберінде салынды. Кәсіпорынныӊ құны - 5 миллиард теӊге. Швейцариялық технологиямен салынған. Өндіріс қуаты жағынан республикада екінші орын алады.
Шымкент. 25 қазан. KazakhstanToday - "Нұр Отан" партиясы Төрағасыныӊ Бірінші орынбасары Мұхтар Құл-Мұхаммед Оӊтүстік Қазақстан облысындағы сапары барысында Швейцариялық технологиямен салынған "ЕуроКристалл" зауытыныӊ өндіріс үдерісімен танысты,деп хабарлайды "Нұр Отан" партиясыныӊ баспасөз қызметі.
"Нұр Отан" партиясы Төрағасыныӊ Бірінші орынбасары Оӊтүстік Қазақстанныӊ, сол сияқты бүкіл еліміздіӊ барлық бизнесмендері үшін мысал ретінде жоғары сапалы шыны ыдыстар шығаратын "ЕуроКристалл" зауытын атады.
Ол зауыт "Бизнестіӊ жол картасы - 2020" мемлекеттік бағдарлама шеӊберінде салынды. Кәсіпорынныӊ құны - 5 миллиард теӊге. Швейцариялық технологиямен салынған. Өндіріс қуаты жағынан республикада екінші орын алады. Мұнда жылына 210 миллион банкілер мен бөтелкелер шығарылады. Жергілікті өнім суға, химиялық заттарға аса төзімділігімен, айтарлықтай беріктігімен, эталондық реӊімен және мінсіз геометриясымен ерекшеленеді.
Мұхтар Құл-Мұхаммед өндіріс үдерісімен таныса отырып, жұмысшылармен әӊгімелесу кезінде қазақстандық өндірушілердіӊ жергілікті өнім өткізу нарығымен шектеліп қалмауы тиіс екендігін баса айтты. Экспортты дамыту кәсіпорындарға өндіріс көлемін үнемі кеӊейтуге, арттыруға және жаӊа жұмыс орындарын ашуға, сөйте отырып, ел экономикасын нығайтуға және оныӊ шикізат секторына тәуелділігін төмендетуге мүмкіндік береді.
Мұхтар Құл-Мұхаммед Қазақстанныӊ оӊтүстігінде шағын және орта бизнестіӊ дамыту мәселелеріне айрықша көӊіл бөлді. Бүгінгі таӊда өӊірде 330 мыӊнан астам кәсіпкер бар. Дегенмен, облыс экономикасындағы шағын және орта бизнестіӊ үлесі 20 пайызға да жетпейді. "Нұр Отан" партиясы Төрағасыныӊ Бірінші орынбасары өз сөзінде Елбасыныӊ тәуелсіздіктіӊ алғашқы күндерінен бастап шағын және орта бизнесті дамытуға ерекше көӊіл бөліп, оныӊ жалпы ұлттық экономикамыздағы үлесін 50 пайызға жеткізуге ұдайы өӊір басшыларыныӊ назарын аударып келе жатқанын атап өтті.
"Оӊтүстік Қазақстан облысыныӊ тап осы сегментті дамытуға толық мүмкіндігі бар. Оныӊ үстіне "Нұрлы жол", "Бизнестіӊ жол картасы" оны іске асыруға керемет жағдай туғызып отыр. Бұл мүмкіндікті пайдалана білу керек", -деп атап өтті Мұхтар Құл-Мұхаммед.
Облыстық әкімдіктіӊ баспасөз қызметініӊ хабарлауынша, жұмыс тобы "Оӊтүстік" индустриялық аймағында орналасқан шыны бұйымдарын шығаратын "ЕуроКристалл" зауытын аралап, жұмысшыларымен тілдесті. "Бизнестіӊ жол картасы-2020" бағдарламасы арқылы ісі өрге басқан бұл кәсіпорында 200 мл-ден 3 литрге дейінгі тағам өнімдеріне арналған шыны ыдыстар шығарылады. 254 адам жұмыспен қамтылған кәсіпорында жылына 210 млн. дана шыны ыдыстар шығаруға болады.
Айта кетейік, "Оӊтүстік" индустриялық аймағында 79 млрд. теӊгені құрайтын, 6384 адамды жұмыспен қамтитын 83 жоба іске асырылуда. Бүгінде мұнда құны 20,8 млрд. болатын 42 жоба пайдалануға беріліп, 3136 адам жұмыспен қамтылып отыр.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.