Шағын және орта бизнесті қолдау бойынша түрлі мемлекеттік бағдарламалар аясында кәсіпкерлерді 14,4 млрд. теӊгеге қаржыландырды
Шағын және орта бизнесті қолдау бойынша түрлі мемлекеттік бағдарламалар аясында кәсіпкерлерді 14,4 млрд. теӊгеге қаржыландырды
Алматы. 11 тамыз. Kazakhstan Today - "Сбербанк" АҚ ЕБ шағын және орта бизнесті қолдау бойынша түрлі мемлекеттік бағдарламалар аясында кәсіпкерлерді 14,4 млрд. теӊгеге қаржыландырды, осылайша өткен жылғы осы көрсеткіш 1,7 есеге артты.
Жыл басынан бері Банк үш жүзге жуық кәсіпкерге несие ұсынды. Еӊ белсенді қаржыландырылған - өӊдеуші өнеркәсіп, сауда, құрылыс, жылжымайтын мүлікпен операциялар, транспорт және байланыс салалары.
Сбербанк түрлі даму институттары ("Даму" КДҚ, "Қазақстанныӊ Даму Банкі" (ҚДБ) АҚ және т.б.) ат салысатын мемлекеттік бағдарламалардыӊ көпшілігініӊ белсенді қатысушысы болып табылады.
Бірінші жартыжылдықта Сбербанк кәсіпкерлікке қолдау көрсететін мемлекеттік бағдарламалардыӊ көптеген бағыттары бойынша көш бастады: "Бизнестіӊ жол картасы 2020", Өӊдеуші өнеркәсіптегі субъектілерді қаржыландыру бағдарламасы, Нәтижелі жұмыспен қамту және жаппай кәсіпкерлік бағдарламасы және т.б.
Атап айтқанда, Ірі кәсіпкерлік субъектілерін қаржыландыру бағдарламасы бойынша ҚДБ "Карат" ЖШС-ін (диірменге арналған жабдық және "Даулет" майдалап кесілген макарон өнімдерін шығаруға арналған, өнімділігі 1000 кг/сағ болатын автоматтандырылған желі сатып алуға) және "Шымкентмай" АҚ-ын ("Доня" өсімдік майын рафинациялау цехініӊ құрылысына және жабдық сатып алуға) қаржыландырды.
"Сбербанк мемлекеттік қолдау бағдарламаларыныӊ зор мүмкіндіктерін пайдаланып, жеке кәсіпкерліктіӊ орнын нығайтуға мүдделі, - дейді "Сбербанк" АҚ ЕБ Басқарма Төрағасы Александр Камалов, - Иртүрлі салаларды қаржыландыру арқылы біз ШОБ дамытуға салған инвестициялардыӊ нәтижелерін көрнекі түрде бағалай аламыз, олар дайын өнім шығару, қызметтер аясын кеӊейту бойынша нақты жобаларға айналуда. Нәтижесінде аталған шаралар аймақтар экономикасын нығайтуға, қосымша жұмыс орындарын ашуға, еӊбек өнімділігін көтеруге оӊ әсерін тигізіп, халықтыӊ әл-ауқатын арттыруда".
Анықтама:
"Сбербанк" АҚ ЕБ халықаралық Сбербанк тобына кіреді.Банк Қазақстанныӊ қаржы нарығында 11 жыл табысты жұмыс істеп келеді және активтерініӊ көлемі бойынша Қазақстандағы ЕДБ арасында 4-орынды алады. Бүгінгі таӊда "Сбербанк" АҚ ЕБ-ніӊ 91 құрылымдық бөлімшеден тұратын филиалдық желісі бар, оныӊ 16-сы - филиал. Банктіӊ Орталық офисі Алматы қаласында орналасқан.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.