Шымкенттегі "Химфарм" АҚ "Үздік инновациялық жоба" сыйлығына ие болды
Астана. 7 желтоқсан. Kazakhstan Today - Шымкенттегі "Химфарм" АҚ "Үздік инновациялық жоба" сыйлығына ие болды.
Қазақстан Президенті Нұрсұлтан Назарбаев Индустрияландыру картасы жобаларын таныстыру және "Алтын сапа", "Парыз" байқаулары жеӊімпаздарын марапаттау рәсімінде "Алтын сапа" байқауыныӊ арнаулы сыйлықтарынан "Үздік инновациялық жоба" сыйлығын "Химфарм" АҚ директоры Р.Байғаринге табыс етті, деп хабарлайды Kazakhstan Today.
"Химфарм" АҚ сауда маркасымен өнім өндіретін SANTO компаниясы аса ірі отандық дәрілік заттар өндіруші болып табылады.
"Самұрық-Қазына Фармация" ЖШС тегін медициналық көмектіӊ кепілдендірілген көлемі шеӊберінде сатып алатын дәрі-дәрмектік заттардыӊ жалпы көлемініӊ үштен бір бөлігінен астамын SANTO компаниясы өндіріп жеткізеді. GMP стандартына сай келетін заманауи фармацевтикалық өндіріс құру SANTO компаниясыныӊ 2011 жылы халықаралық Polpharma тобына кіруі арқасында мүмкін болды. GMP халықаралық стандартына сай келетін әрекет етуші фармацевтикалық өндірістерді жаӊғырту мен жаӊаларын салу бойынша кеӊ ауқымды инвестициялық жобалар сол кезден басталды. Жоспарланған инвестициялар көлемі 100 млн доллардан асады.
Фармацевтикалық өнеркәсіпті жақсарту және оны Мемлекет басшысы атап көрсеткен бағытта халықаралық стандарттарға сәйкестендіру үшін SANTO компаниясы 2013 жылы "SANTO Академиялық бағдарламасы" атты білім беру жобасын қолға алды. Оныӊ шеӊберінде Астана Медициналық Университетімен, Назарбаев Университетініӊ Тіршілік туралы ғылымдар орталығымен, Оӊтүстік Қазақстан мемлекеттік фармацевтикалық академиясымен және Шымкент қаласындағы Назарбаев атынндағы Интеллектуалдық химиялық-биологиялық мектебімен ынтымақтастық туралы меморандумдарға қол қойылды. Меморандумдар шеӊберінде студенттер, оқушылар мен ғалымдар компанияныӊ Қазақстан мен Польшадағы өндіріс алаӊдары мен зерттеу зертханаларына баруда, барынша келешегі зор ғылыми жұмыстарды қолдауға гранттар алуда.
SANTO Member of Polpharma Group - "Химфарм" АҚ сауда маркасы (KASE: CHFM). Компания жоғары сапалы, қолжетімді дәрі-дәрмектік заттардыӊ әзірлемесін дайындап, өндіріп, Қазақстан мен Орталық Азия нарығына шығарады. Компанияныӊ өндірістік қуаттылығы жыл сайын 1,2 млрд. таблетка, капсулалар мен гранулалар, 300 млн. ампула, 40 млн. флакон антибиотиктер мен 6 млн. пакет және флакон инфузиялар өндіруге мүмкіндік береді. Компания Қазақстандағы фармацевтикалық нарықтыӊ көшбасшысы болып табылады, оныӊ қоржынында түрлі терапиялық салалардағы ауру түрлерін емдеуге арналған 12 фармакотерапевтикалық топтағы 260-тан астам генерикалық және бірегей препараттар бар. SANTO компаниясы Шымкент қаласы мен Қазақстан Республикасыныӊ барлық өӊірлерінде 1000-нан астам адамға жауапты жұмыс беруші болып табылады. Компания Ресей, Қырғызстан, Тәжікстан, Монғолия, Түркіменстан секілді бес елге өнім экспорттауды жүзеге асырады.
Еске сала кетейік, іс-шара аясында Қазақстан Президенті "Алтын сапа" байқауыныӊ арнаулы сыйлықтарын тапсырды. Атап айтқанда, "Үздік индустриялық жоба" сыйлығы - "Атыраумұнаймаш" ЖШС директорлар кеӊесініӊ төрағасы С.Түгелбаевқа, "Үздік инновациялық жоба" сыйлығы - "Химфарм" АҚ директоры Р.Байғаринге, "Сапа көшбасшысы" сыйлығы - ERG менеджерлер кеӊесініӊ төрағасы А.Машкевичке берілді, "Қазақстан электролиз зауыты" АҚ да осы номинация бойынша жеӊімпаз атанды. "Парыз" байқауыныӊ гран-при жүлдесі "Ақсайгазсервис" АҚ президенті Т.Шектебаевқа табыс етілді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.