Солтүстік Қазақстан облысында Тұрғын үй құрылыс жинақ банкініӊ салымшыларына арналған үлестік құрылыстыӊ аймақтық жобасы талқыланды
Қазір Тұрғын үй құрылыс жинақ банкінде аймақтыӊ 30 000 тұрғыны үй алу үшін ақша жинап жатыр. Оларға тиесілі жалпы депозит қоржыны 12,4 млрд теӊгені құрайды. Салымшылардыӊ барлығы бағасы аса қымбат емес, бірақ сапалы үй алуды жоспарлап отыр
Петропавловск. 20 қыркүйек. Kazakhstan Today - Петропавл қаласында "Бәйтерек" холдингініӊ еншілес ұйымдары "Қазақстанныӊ Тұрғын үй құрылыс жинақ банкі" АҚ мен "Тұрғын үй құрылысына кепілдік беру қоры" АҚ Солтүстік Қазақстан облысындағы құрылыс жүргізушілермен және жергілікті атқарушы орган өкілдерімен кездесті. Тараптар бірлесіп ынтымақтастық орнату мәселелерін талқылады.
- Қазір Тұрғын үй құрылыс жинақ банкінде аймақтыӊ 30 000 тұрғыны үй алу үшін ақша жинап жатыр. Оларға тиесілі жалпы депозит қоржыны 12,4 млрд теӊгені құрайды. Салымшылардыӊ барлығы бағасы аса қымбат емес, бірақ сапалы үй алуды жоспарлап отыр, ал банк бұл жолда оларға көмектесуді мақсат етеді. Сондықтан біз бар күш-жігерімізді бір жерге шоғырландыруды ұсынамыз. Құрылыс жүгізушілермен, жергілікті әкімдікпен, Тұрғын үй құрылысына кепілдік беру қорымен бірлесіп жұмыс жүргізе отырып, халықты қолжетімді тұрғын үймен қамтамасыз етеміз, жалпы аймақтағы тұрғын үй құрылысы нарығыныӊ дамуына көмектесеміз", - деді ТҮҚЖБ Солтүстік Қазақстан облысы филиалыныӊ директоры Райхан Ибдірахманова.
Солтүстік Қазақстан облысындағы құрылыс компанияларыныӊ өкілдеріне "Тұрғын үй құрылысына кепілдік беру қоры" АҚ кепілдік беру департаментініӊ жетекшісі Жаӊыл Саяқова кепілдік беру механизмі, құрылыстыӊ аяқталу кезеӊінде кепілдік алу схемасы, құжаттар тапсыру тәртібі туралы айтып берді. Сонымен қатар шара қатысушылары үлестік құрылыс нарығы үшін маӊызы жоғары жаӊалықты бірінші болып білді.
- "Тұрғын үй құрылысына кепілдік беру қоры" АҚ осы аптада "Кепілдікті жарна мөлшерлемесін анықтау әдістемесіне" енгізілген өзгерістердіӊ мемлекеттік тіркеуден өту рәсімі аяқталады деп күтіп отыр. Ол өзгерістер бағалаудыӊ скорингтік моделі бойынша 60 және одан жоғары ұпай жинаған жағдайда барлық құрылыс жүргізушілері үшін кепілдікті жарна мөлшерлемесін 2% деӊгейінде бекітуді қарастырады. Бұл қаржылық және үш сапалық көрсеткіш бойынша 60 және одан жоғары ұпай жинаған құрылыс жүргізуші кепілдікті жарнаны осыған дейін қолданыста болған 2-6% аралығында емес, жоба құныныӊ 2%-на теӊ көлемде төлейтінін білдіреді", - деп атап өтті Жаӊыл Саяқова.
Тұрғын үй құрылыс жинақ банкі, құрылыс жүргізушілер және Тұрғын үй құрылысына кепілдік беру қорыныӊ бірлескен жобалары қазірдіӊ өзінде басқа қалаларда жүзеге асырылуда. Мәселен, Қарағандыда ынтымақтастық туралы үшжақты келісімге қол қойылды, ал Астанада үлестік құрылыс жобасы бойынша өтініштер қабылдау басталып кетті. ТҮҚЖБ салымшыларына "Millenium Park-2" тұрғын үй кешенінен 100 пәтер ұсынылып отыр. Өтініштерді қабылдаудыӊ алғашқы 23 күнінде үлестік құрылыс қатысушысы атанып, төмендетілген бағамен пәтер сатып алуға 486 адам ниет білдірген. Сөз арасында айта кетейік, Тұрғын үй құрылыс жинақ банкі Тұрғын үй құрылысына кепілдік беру қорыныӊ кепілдігімен үлестік құрылыс жобасы бойынша несие беретін Қазақстандағы жалғыз ұйым атанады.
"Қазақстанныӊ тұрғын үй құрылыс жинақ банкі" АҚ - еліміздегі тұрғын үй құрылыс жинақ жүйесін жүзеге асыратын бірден-бір банк. Ұйым Еуропалық құрылыс жинақ кассалары федерациясына (ЕҚЖКФ) және Халықаралық тұрғын үйді қаржыландыру одағына кіреді. Тұрғын үй құрылыс жинақ банкініӊ жалғыз акционері - "Бәйтерек" Ұлттық басқарушы холдингі" АҚ.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.