Талдықорғанда қоқыс өӊдеу зауыты ашылды
Талдықорған қаласында жылына 100 мыӊ тонна қалдық өӊдеуге қауқарлы қоқыс өӊдеу желісі ашылды. Бұл - облыс әкімініӊ тұрмыстық қатты қалдықтарды жою мен өӊдеу мәселесін шешу туралы тапсырмасын жүзеге асыру бағытында жалпы құны 1400,0 млн. теӊге болатын қоқыс өӊдеу зауыты құрылысыныӊ бірінші кезеӊі.
Талдықорған. 19 қыркүйек. Kazakhstan Today - Талдықорған қаласында жылына 100 мыӊ тонна қалдық өӊдеуге қауқарлы қоқыс өӊдеу желісі ашылды. Бұл - облыс әкімініӊ тұрмыстық қатты қалдықтарды жою мен өӊдеу мәселесін шешу туралы тапсырмасын жүзеге асыру бағытында жалпы құны 1400,0 млн. теӊге болатын қоқыс өӊдеу зауыты құрылысыныӊ бірінші кезеӊі.
"ADAL DAMU Capital" ЖШС басшысы, қоқыс өӊдеу зауытыныӊ директоры Ерлан Дүйсенбаевтыӊ айтуынша, қазіргі кезде өндірістік қуаттылығы жылына 100 мыӊ тонна болатын қоқыс өӊдеу желісі іске қосылды. Сол сияқты қайталама шикізаттан дайын өнім шығаратын цех пайдалануға берілді. Кәсіпорын пластик пен пленкадан түйіршіктер, полимерлі-құмды төсемелер шығаруды бастады. Жұмыртқа лотоктарын шығаратын арнайы құрылғылар әкелініп, орнатылуға дайын тұр. Жобаны жүзеге асырудыӊ екінші, үшінші кезеӊдерінде биогаз бен биошірінділер шығару жоспарланған. Осы мақсатта верми- және биогаздар кешенініӊ құрылысын жүргізу мәселесі қарастырылып жатыр.
Бүгінгі күні кәсіпорында 20 адам еӊбек етеді, ал жоба толық жүзеге асқан уақытта 170 жұмыс орны құрылады деп межеленген.
Зауыттыӊ ашылуымен қала әкімініӊ орынбасары Нұрлан Мәмбетжанов құттықтап, тұрмыстық қатты қалдықтарды жою мен өӊдеу мәселелерін шешудегі бұл жобаныӊ маӊыздылығына тоқталды.
Еске салсақ, қоқыс өӊдеу зауытыныӊ құрылысы 2016 жылы басталған болатын. Кәсіпорын Өтенай ауылдық округінде, "Талдықорған - Үштөбе" трассасыныӊ 10-шақырымында орналасқан.
Бұл инвестициялық жобаныӊ жүзеге асырылуы тұрмыстық қатты қалдықтардыӊ шығарылуы мен жыл сайын 100 мыӊ тонна қалдықты өӊдеуге мүмкіндік береді. Бұл өз кезегінде полигонныӊ жүктемесін қысқартып, оныӊ қоршаған ортаға жағымсыз әсерін азайтатын болады.
Естеріӊізге салар болсақ, бүгінгі күні "Алматы облысыныӊ аумағындағы қоқыс қалдықтарын басқарудыӊ өӊірлік жүйесініӊ" техникалық-экономикалық негіздемесі әзірленді. Соныӊ шеӊберінде мемлекеттік - жекеменшік әріптестік механизмдерін қолдана отырып 16 қоқыс сұрыптау кешенін, 13 қоқысты қайта жүктеу стансаларын, 16 полигон мен 3 қоқыс өӊдеу зауытыныӊ құрылысын жүргізу жоспарланған.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.