"Westkazinvest-2017" халықаралық IV инвестициялық форум Орал қаласында 27-28 қыркүйекте өтеді
Форумды өткізу мақсаты іс-шара қонақтары мен бизнесмендерді Батыс Қазақстанныӊ экономикалық жетістіктері, инвестициялық әлеуеті және нақты инвестициялық жобаларымен таныстыру болып табылады.
Орал. 22 қыркүйек. Kazakhstan Today - "WestKazInvest-2017" IV Халықаралық Инвестициялық Форум Орал қаласында 27-28 қыркүйекте болады.
Форумды өткізу мақсаты іс-шара қонақтары мен бизнесмендерді Батыс Қазақстанныӊ экономикалық жетістіктері, инвестициялық әлеуеті және нақты инвестициялық жобаларымен таныстыру болып табылады. Аталмыш алаӊ Батыс Қазақстан облысыныӊ компаниялары және өз бизнесін кеӊейтіп және жаӊа нарықтарға шығуға ниетті шетелдік компаниялар арасында өзара тиімді серіктестікті құру үшін ұйымдастырылған. "WestKazInvest-2017" Форум қатысушыларына біріккен кәсіпорындарды құру және өз мүмкіндіктерін презентациялау үшін жергілікті компанияларды табу және танысу мүмкіндігін ұсынады.
Форум аясында "Қазақстан-Ресей. Өӊірлердіӊ шекаралық серіктестік" көрме, келесідегідей маӊызды тақырыптары бар үш панельдік сессиялар жүргізілетін болады: "Мұнай газ секторы - өнеркәсіпті дамыту драйвері", "Агроөнеркәсіптік кешен: Даму. Өӊдеу. Экспорт" және "Бизнестіӊ даму институттары мен халықаралық қаржы ұйымдарына қолдау көрсету құралдары". Сондай-ақ Форум алаӊында Батыс Қазақстан және Орынбор облыстарыныӊ кәсіпкер-әйелдерініӊ кездесуі және Оралдыӊ сауда желілерініӊ өкілдерімен ауылшаруашылық өндірушілер және өӊдеушілердіӊ іскери кездесуі өтеді. Форум алаӊдарында денсаулық сақтау және менеджменттіӊ біріктірілген жүйелері және оларды Бірыӊғай Еуропалық экономикалық кеӊестікте қолдану сұрақтары бойынша дөӊгелек үстелдер ұйымдастырылатын болады.
Форум 2017 жылдыӊ 27-28 қыркүйегінде Орал қаласында Московская көшесі, 18-үй мекенжайындағы "Жастар және оқушылар сарайында" өтеді.
Форум және инвестициялық жобалар мен Батыс Қазақстан облысыныӊ мүмкіндіктері туралы барынша толық ақпаратты www.westkazinvest.kz сайтынан табуға болады.
Қосымша ақпарат
Батыс Қазақстан - Еуропаныӊ шығыс бөлігіндегі елдіӊ солтүстік-батысында орналасқан, Қазақстан Республикасыныӊ өӊірі. Аумағы - 151 339 км?, бұл Қазақстанныӊ жалпы ауданыныӊ 5,6 % құрайды. Облыс 12 айданға бөлінеді. Облыс орталығы 1613 жылы негізі қаланған Орал қаласында орналасқан. Батыс Қазақстан облысы республиканыӊ өнеркәсіптік-аграрлық өӊірі болып табылады. Облыстыӊ экономикасыныӊ негізін өнеркәсіптік өндіріс құрайды, ЖІІ басым салмағы 55,1% жеткен. Экономиканыӊ нақты секторындағы барынша басым салмақ тау-кен өндіру саласы иеленеді - 90%, өӊдеуші саланыӊ үлесіне 7,7%, электр қамсыздандыру, газ беру, бу және ауа кондиционерлеу - 1,9%, сумен қамту, кәріз жүйесі, қалдықтарды жинау және бөлуге бақылау жасау -0,4%.
Облыстыӊ өӊдеуші өнеркәсібініӊ құрылымында барынша басым салмақты азық-түлік өнімдерініӊ өндірісі (33,5%), мұнай өнімдері (25,9%), машина құрылысы (16,3%), металлургиялық өнеркәсіп (5,6%) құрайды. Облыстыӊ ауылшаруашылығы бидай және мал шаруашылығыныӊ өнімдеріне маманданған. Өсімдік шаруашылығында бидаймен бірге майлы, дақылды мәдениеттер өсіріледі, картоп, көкөністер, бақша өнімдері мен жемістер өндіріледі. Мал шаруашылығында негізгі салалар мал бағу және қой өсіру, қосымша: шошқа, жылқы, түйе және құс өсіру болып табылады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.