ҚР-да "көлеңкелі" экономика деңгейі ЖІӨ-ге шаққанда 27% - дан 23,6% - ға дейін төмендеді
Комитеттің басым мақсаты көлеңкелі экономика деңгейін ЭЫДҰ елдерінің деңгейіне дейін – ЖІӨ-ге шаққанда 15-17% төмендету болып белгіленді.
Нұр-Сұлтан. 3 ақпан. Kazakhstan Today - ҚР Қаржы министрлігі Мемлекеттік кірістер комитетінің төрағасы Марат Сұлтанғазиев ҚР-дағы көлеңкелі экономика деңгейінің ЖІӨ-ге шаққанда 27% - дан 23,6% - ға дейін төмендегені туралы айтты, деп хабарлайды Kazakhstan Today Орталық коммуникациялар қызметінің баспасөз орталығына сілтеме жасап.
Көлеңкелі экономикаға қарсы іс-қимыл жөніндегі 2019-2021 жылдарға арналған іс-шаралар жоспары шеңберінде қабылданған шаралар оны ЖІӨ-ге шаққанда 27%-тен 23,6%-ке дейін төмендетуге мүмкіндік берді. Бірақ комитеттің басым мақсаты көлеңкелі экономика деңгейін ЭЫДҰ елдерінің деңгейіне дейін – ЖІӨ-ге шаққанда 15-17% төмендету болып белгіленді.
Біз көлеңкелі айналымдармен күресте басты құралға айналған тауарларды қадағалаудың ұлттық жүйесін құрдық. Салық декларацияларының 99%-і және кедендік декларациялардың 100%-і қашықтан ұсынылады. Импорт/экспортты ресімдеу бойынша қызметтерді алу уақыты 30 күннен 5 күнге дейін қысқарды. "Электрондық шот-фактуралар. Сондай-ақ, жекелеген тауар позициялары бойынша "Виртуалды қойма" модулі енгізілді, ол тауарлардың қоймалық есебін онлайн режимде - контрагенттермен жасалған мәмілелерді көруге мүмкіндік береді", - деп атап өтті комитет басшысы.
Электрондық шот-фактураларда барлығы 505 мың пайдаланушы тіркелген және 558 млн астам ЭШФ өңделген. 2020 жылы қосымша түсімдер сомасы 149 млрд теңгені құрады. Бұл тәуекелдерді басқару жүйесін қолданудың арқасында мүмкін болды.
Сұлтанғазиев жүйенің машиналық оқыту мүмкіндігі бар үлкен деректерді талдау және зияткерлік талдау құралдарына ие екендігін түсіндірді. Жалпы алғанда, тәуекелдердің 86 түрлі моделі құрылды, 12 млрд астам цифрлық құжаттар өңделді, бұл қосымша 320 млрд теңгені қамтамасыз етті.
Импорт кезінде ТБЖ тиімділігі 73% құрады, 53,5 мың бұзушылық анықталды. Кедендік тексерулердің жалпы тиімділігі – 51%.
Инспекциялық-тексеру жабдығы (ИТЖ) бар өткізу пункттерінде кедендік операцияларды мониторингтеу үшін құрылған "ахуалдық орталық" табысты жұмыс істеуде. Рентген-түсірілімдерді талдау бойынша жасанды интеллект енгізу жоспарлануда. Кедендік құнды бақылауды барынша орталықтандыру және сыртқы сауда жүктерінің логистикасына жұмсалатын шығындарды оңтайландыру мақсатында "электрондық декларациялау орталығы" құрылды. Бұл жаңашылдықтардың тиімділігі 25 млрд. теңгеден асты", - деп атап өтті комитет басшысы.
Ең бастысы, кедендік әкімшілендіру шараларын күшейту есебінен кедендік статистика бойынша ҚХР-дан алшақтық 2017 жылғы 60%-тен 2020 жылы 45%-ке дейін қысқартылды.
Бұған дейін хабарланғандай, Мемлекет басшысы Қаржылық мониторинг агенттігінің төрағасы Элимановқа көлеңкелі экономикаға қарсы іс-қимыл бойынша жұмысты күшейтуді тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.