АСТАНА. 19-қаңтар. Kazakhstan Today. 2006 жылы Қазақстан Республикасының бюджетіне төленетін кедендік төлемдер мен салықтар 1,5 есе өсті. Бұл туралы бүгін қаржы министрлігінің кеңейтілген алқа мәжілісінде Қазақстан Республикасының қаржы министрлігінің кедендік бақылау комитетінің төрағасы Асқар Шәкіров мәлім етті, деп хабарлайды Kazakhstan Today тілшісі.
"2006 жылдың қорытындысы бойынша республикалық бюджетке 485,4 млрд. теңге көлемінде кедендік төлемдер мен салық кірісі кірген, бұл 2005 жылмен салыстырғанда 157,9 млрд. теңгеге, яғни 1,5 есе артық. Болжамдық тапсырма 110 пайызға орындалды",- деді ол.
Кедендік төлемдер мен салықтарды төлеу барысында кедендік әкімшілік деңгейінің жақсарғаны туралы айта келе, А. Шәкіров 2006 жылы Қосалқы құн салығы ставкасының төмендеуіне және кедендік баж салықтарының ставкасы жаппай төмендеу ағымына қарамастан, кедендік төлемдер мен салықтарды өндіріп алу мөлшерінің өсім қарқыны импорт көлемінің өсім қарқынынан анағұрлым артып отырғанын айтты. Жалпы алғанда, А. Шәкіровтың мәліметтеріне сүйенсек, импорт көлемі 2006 жылдың 12 айында 23,4 млрд. АҚШ долларын құрап, 36,8 пайызға өскен, ал бюджетке құйылған кедендік төлемдер мен салықтар ретіндегі түсім 48,2 пайызға, ал кедендік алымдар мен экспорттық баж салығын есепке алмағанда 44,9 пайызға өскен.
"Кедендік бақылаудан кейінгі қосымша бақылауды жүргізу нәтижесінде мемлекет бюджетіне қосымша 5,6 млрд.-тан астам теңге кіріс кірген, бұл көрсеткіш 2005 жылмен (1,9 млрд. теңге) салыстырғанда 2,9 есеге өскен",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2006 жылы Қазақстан Республикасының бюджетіне төленетін кедендік төлемдер мен салықтар 1,5 есе өскен
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.