АСТАНА. 19-қаңтар. Kazakhstan Today. 2006-жылы елімізде банкроттықа ұшыраған ұйымдарды жою барысында 3820 млн теңгенің әлеуметтік кезектегі кредиторлық берешегі өтелді, бұл 2005-жылғы көрсеткіштен 1820 млн теңгеге, немесе, 91 процентке артық. Бұл туралы бүгін қаржы министрлігінде республика үкімет басшысы Кәрім Мәсімовтың қатысуымен өткен алқа мәжілісінде осы министрліктің дәрменсiз борышкерлермен жұмыс комитетінің төрағасы Сабыржан Бекбосынов мәлімдеді, деп хабарлайды Kazakhstan Today тілшісі.
С.Бекбосыновтың айтуынша, бюджет түсімдері 1728,7 млн теңгені құрады, бұл 2005-жылғы көрсеткіштен 139 млн теңгеге артық.
"Реабилитациялық процедураларда да оңды динамика байқалуда. Мәселен, 2006-жылы бюджетке 549,4 млн теңге құйылған, бұл 2005-жылғы көрсеткіштен 64 млн теңгеге артық",- деді ол.
2006-жылы дәрменсіз ұйымдарды банкрот деп тану процедурасы (конкурстық өндірісі және реабилитация) арқылы қаржылық -экономикалық сауықтыру нәтижесінде бюджетке 2278,1 млн теңге түсті, деп мәлімдеді С.Бекбосынов. "Бұл көрсеткіштерге конкурстық өндірісінің жалпы шығындарын, әкімшілік шығындарды азайту, конкурстық басқарушылардың мүлікті қайтару және дебиторлық берешекті өндіріп алу іс-әрекеттерін бақылау есебінен қол жеткізілуде",- деді ол.
Сонымен бірге С.Бекбосыновтың айтуынша, Қазақстанда жойылған ұйымдардың базасында қайта құрылған ұйымдардың саны үздіксіз өсе түсуде. Олар жаңа жұмыс орындарып құрып, салық салынатын базаны ұлғайтуда. 2007-жылдың 1-қаңтарындағы жағдаймен жойылған ұйымдардың базасында 1530 ұйым жұмысын қайта бастады. Оларда 135 559 жұмыс орындары құрылған, деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2006-жылы елімізде банкроттықа ұшыраған ұйымдарды жою барысында кредиторлық берешекті өтеу көлемі 91 процентке артты
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.