АСТАНА. 12-қазан. Kazakhstan Today. Бүгін Қазақстан Республикасының парламенті мәжілісінде "2007 жылға арналған республикалық бюджет туралы" ҚР заңы бойынша жұмыс тобының жиналысында "Қазына" орнықты даму қорының бюджеттік сұранымы қаралды. Бұл туралы Kazakhstan Today тілшісіне "Қазына" қорының баспасөз қызметі хабарлады.
"Қазына" қоры басқармасының төрағасы Қайрат Келімбетов жұмыс тобының жиналысында республикалық бюджеттен қор сұрап отырған қаржының экономикалық негізділігі мен тиімділігін таныстырды.
Республикалық бюджеттік комиссиясы мақұлдаған "Қазына" орнықты даму қоры" АҚ-ның бюджеттік сұранымы 43,7 млрд. теңгені құрайды. Оның ішінен келесі жылға "Қазына" АҚ-ның операциялық қызметіне 1,8 млрд. теңгені бөлу жоспарланып отыр. Даму институттарына жыл сайын бөлінетін қаржының абсолюттік мөлшері мемлекеттік бюджеттің және ЖІӨ көлемінің өсуіне қарамастан бір деңгейде қалады.
Мемлекеттік "Қазақстанның даму Банкі" АҚ-ның (ҚДБ) бюджеттік сұранымын қанағаттандыру үшін 2007-жылғы бюджет жобасында 21 млрд теңгеге жуық қаражат бөлу жоспарланып отыр, оның ішінде 7 млрд теңге банктің несиелік ресурстарының бағасын төмендету үшін бюджеттік несие ретінде бөлу жоспарлануда. Қалған сома банк пен оның лизингтік компаниясының жарғылық капиталын ұлғайтуға арналған. Бюджеттік несиелеу ҚДБ-нің инфрақұрылымдық жобаларды қолайлы сыйақы қойылымы бойынша қаржыландыруы үшін қажет. "Қазақстанның инвестициялық қоры" АҚ жобаларына 2007 жылғы бюджет жобасынан жеке сектормен бірлесіп инвестициялық жобаларды қоса қаржыландыру үшін 5,5 млрд теңге бөлу жоспарланып отыр.
"Ұлттық инновациялық қор" АҚ-ына жаңа жоғарытехнологиялық компанияларға үлеспен бақылау мақсатында қатысу үшін 4,2 млрд. теңгедей бөлу жоспарланып отыр, 600 млн. теңге - шетелдік венчурлық қорлары арқылы қазіргі заманғы компаниялар сатып алу үшін, 2,5 млрд.теңге - бизнес-инкубаторлар мен технопарктерді дамыту үшін қажет.
"Шағын кәсіпкерлікті дамыту қоры" АҚ 10 млрд.теңге бюджеттік қаражат алады, оның ішінде 4 млрд.теңгені шағын несиеге таратуға және 6 млрд.теңге - шағын бизнеске берілетін несиелерге кепілдік беру бағдарламаларына арналады.
"Маркетингтік - талдамалық зерттеулер орталығы" АҚ-ына 92 млн. теңге тиісті ақпараттық ресурстарға жазылу үшін қажет.
Қазақстанның "Қазинвест" инвестицияларға жәрдемдесу орталығы" ЖШС - 500 млн.теңге, оның ішінде 280 млн.теңгені екі мемлекетте бас өкілеттіктерін ашуға, 220 млн.теңгені мемлекет туралы ақпараттық-имиджтік саясатты жүзеге асыруға қажет материалды-техникалық базаны жақсартуға сұрап отыр.
"Қазына" АҚ-ын қосқанда барлық даму институттарын қаржыландырудың жалпы сомасы парламентте қарастырылып жатқан "2007-жылға арналған республикалық бюджет туралы" заң жобасына қамтылған.
Осы уақытқа дейін "Қазына" қоры құрылымдарының қатысуымен жүзеге асқан жобалардың шикізаттық емес сектордағы құны $3,6 млрд құрады, оның ішінде 136 жобаны жүзеге асыруға бағытталған даму институттарының қаржыландыру үлесі $1 млрд құрады.
"Қазына" АҚ-ның алдын - ала жасаған бағалауы бойынша шикізаттық емес сектордағы инвестициялық қажеттілік 2007-2009 жлыдарда 10 млрд АҚШ долларын, даму институтарының қатысуымен 3,5 млрд. АҚШ долларын құрайды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"2007 жылға арналған республикалық бюджет туралы" заң бойынша жұмыс тобының жиналысында "Қазына" орнықты даму қорының бюджеттік сұранымы қаралды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.