АЛМАТЫ. 6-маусым. Kazakhstan Today. Елдің халықаралық резервтері жалпы алғанда (ағымдағы бағамен) яғни, Ұлттық қордың ақшасын (алдын-ала деректер бойынша - 17 462,9 млн. долл.) қоса алғанда 1,3% артып, 31-мамырдағы жағдаймен 39 222,3 млн. доллар болды. Бұл туралы Kazakhstan Today тілшісіне Ұлттық банктің баспасөз қызметі хабарлады.
2007 жылғы мамырдың бірінші жартысында Ұлттық банктің халықаралық резервтері 2,3 процентке төмендеді.
Ұлттық банктің таза халықаралық резервтерінің ағымдағы бағасы 4,1 % (немесе 914,7 млн. долл.) төмендеді.
Ішкі валюта нарығында валютаның сатылуы, екінші деңгейдегі банктердің Ұлттық банктегі шетел валютасымен корреспонденттік шоттарындағы қалдықтардың төмендеуі, сондай-ақ Қаржы министрлігінің сыртқы борышына қызмет көрсету және Ұлттық қордың активтерін толықтыру бойынша операциялардың жүргізілуі, үкіметтің шотына валютаның түсуіне қарамастан таза валюта қорларының (СКВ) 493,5 млн. долларға төмендеуіне әкелді. Алтын түріндегі активтер әлемдік нарықтардағы бағасының 3,16 % төмендеуі нәтижесінде 14,2 млн. долларға азайды.
Тұрақты бағамен Ұлттық банктің таза халықаралық резервтері 2,1%, еркін айналмалы валюта түріндегі таза активтер - 2,4 % төмендеді, алтын түріндегі активтер 2,3% өсті.
2007 жылғы мамырдың бірінші жартысында Ұлттық банктің таза халықаралық резервтерінің өсуі ақша базасының 4,5 % (немесе 68,3 млрд. теңгеге) ұлғаюына себепші болды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2007 жылғы мамырдың бірінші жартысында еліміздің халықаралық резервтері 1,3% өсті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.