БІШКЕК. 15 желтоқсан. Kazakhstan Today. Келесі жылы Қырғызстан Өзбекстаннан 850 млн. текше метр газды 1 мың текше метрін 100 доллардан сатып алады. Бұл туралы кеше баспасөз мәслихатында Қырғызстан республикасының бірінші вице-премьері Данияр Үсенов мәлімдеді.
Д. Үсеновтың айтуынша, келісімге 13 желтоқсан күні Қырғызстанның үкіметтік делегациясы Ташкентке іс сапары барысында қол жеткізен. Делегация құрамында Д. Үсеновтан өзге Қырғызстанның өндіріс, сауда,туризм министрі Медетбек Керімқұлов, "Қырғызстанның ұлттық электр жүйесі" кәсіпорнының бас директоры Салайдін Авазов, "Электр стансалары" ААҚ мен "Қырғызгаз" АҚ бас директоры Игорь Чудиновтар болды.
Д. Үсеновтың айтуынша, келіссөздер нәтижесінде екі жақ Қырғызстанға 2007 жылы 850 млн. текше метр көлемде газ жеткізу туралы келісім- шартқа қол жеткізген. Оның 143 млн. текше метрін "Электр стансалары" ААҚ, ал 707 млн. текше метрін "Қыргызгаз" АҚ алатын болып келісілді.
Қырғызстаның бірінші вице-министрі Д.Үсеновтың айтуынша, "Қырғызгаз" АҚ мен "Узтрансгаз" АҚ 30 млн. текше метр газды 2006 жылдың аяғына дейін 1 мың текше метрін 55 долларға жеткізу туралы келісімге келген.
Бұл Өзбекстан президентінің жақсы ниеті арқасында болды, өйткені Өзбекстан биылғы қараша айында өзге тұтынушыларға басқа тарифтер белгілеген болатын,-деп түсіндірді Үсенов.
Үсеновтың айтуынша, "Өзбекэнерго" МАҚ, "Электр желілері" ААҚ, "Узтрасгаз" АҚ 1,3 млрд. кВт электр жарығын 0,011 /1,1 цент/бағамен ирригациялық мерзімде /2007 жылдың 20 мамырынан- 10 қыркүйекке дейінгі аралықта/жеткізу туралы өзара үш жақты келісімге қол жеткізді.
"Бұған дейін өзбек жағы бізден электр жарығын мүлдем сатып алмайтын, біз шындығына келгенде суды көршімізге тегін беретінбіз,- деді Д. Үсенов.
Оның ойынша, кешегі келіссөздер нәтижесінде Қырғызстан мен Өзбекстанның үкіметаралық делегациялары ұтымды қадам жасады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2007 жылы Қырғызстан Өзбекстаннан 850 млн. текше метр газды 1 мың текше метрін 100 долларға сатып алады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.