БАКУ. 18 - сәуір. Kazakhstan Today. Үстіміздегі жылы Изербайжанға тасымалданатын Қазақстан астығының көлемі 200 мың тоннадан асып жығылуы мүмкін, деп хабарлады Бакудегі журналистерге "Ақтау халықаралық теңіз сауда айлағы" РМК корпоративтік дамыту жөніндегі директордың орынбасары Дәурен Құтпанбаев.
"Жүк жөнелтушілердің ақпараттарына сүйенсек, Ақтау айлағы арқылы Изербайжан бағытына жоспарланған қазақстандық астық жөнелту көлемі 200 мыңнан астам тоннаны құрауы мүмкін. Бірақ Ақтау айлағының жобалық қуаты 600 мың тоннадан астам астықты құрайды, сондықтан да орта мерізімді болашақта Изербайжан бағытындағы бұл көлем талап етіледі және де терминал қуатының кем дегенде 80 пайызы пайдаланылады ",- деді Д. Құтпанбаев.
Оның хабарлауынша, үстіміздегі жалы Ақтау айлағы арқылы жүк жөнелту көлемі жалпы 15 пайызға өседі деп күтілуде.
"Қазіргі уақытта Ақтау айлағы арқылы негізгі жүк ағымы мұнай мен мұнай өнімдеріне тиесілі. Айлақтың жобалық мұнай жіберу қуаты 12 млн тоннаны құрайды, ал 1,5 млн тонна құрғақ жүктің үлесінде. Бірақ, Баку астық терминалының пайдалануға берілуіне орай қазақстандық астық Изербайжанға да, Таяу Шығыс пен Жерорта теңізі аймағына да жіберіледі",- деді Д. Құтпанбаев.
Естеріңізге сала кетейік, Қазақстан Республикасының премьер-министрі Кәрім Мәсімовтың қатысуымен Баку астық терминалының ашылу рәсімі өткен болатын. Болжам бойынша, терминалдың қуаты жылына 500-ден 800 мың тоннаға дейінгі астықты құрайды. Кәсіпорынның іс-қызметі тек Изербайжанның астыққа деген мұқтаждығын қанағаттандырып қана қоймай, оны Грузия, Түркия және Солтүстік Африкаға экспорттауға мүмкіндік береді. "Баку астық терминалы" ААҚ Изербайжан - Қазақстанның біріккен кәсіпорны болып табылады. Ол Изербайжанның "Планета Л" және Қазақстанның "Азық-түлік келісім-шарты корпорациясы" АҚ қатысуымен құрылған. Терминал Говсаны ауылында орналасқан.
Изербайжанның астыққа деген жылдық мұқтаждығы 3 млн тоннадан асып жығылады, олардың 1 млн-нан астамы Қазақстан мен Украинадан тасымалданады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2007 жылы Изербайжанға тасымалданатын Қазақстан астығының көлемі 200 мың тоннадан асып жығылуы мүмкін
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.