АЛМАТЫ. 17-мамыр. Kazakhstan Today. 2007-жылы ауылшаруашылығының инфрақұрылымдық бірлестіктерін несиелендіру жөніндегі мемлекеттік бағдарламаны жүзеге асыруға "Аграрлық несиелік корпорация" АҚ арқылы республикалық бюджеттен 2 млрд теңге бөлінді. Бұл туралы "Аграрлық несиелік корпорация" АҚ баспасөз қызметі хабарлады.
Баспасөз қызметінің хабарлауынша, "ҚР Ауылшаруашылығы министрлігі былтыр алғаш рет аграрлық инфрақұрылымы бірлестіктерін несиелендіру жөніндегі мемлекеттік бағдарламаны "Аграрлық несиелік корпорация" АҚ арқылы жүзеге асыруға кіріскен". "Бұл бағдарламаны жүзеге асыруға республикалық бюджеттен 5,5 млрд теңгеден астам қаржы, соның ішінде 2006 жылы - 3,5 млрд теңге, 2007 жылы - 2 млрд теңге бөлінді",- деп хабарлайды баспасөз қызметі.
"Бағдарламаның мақсаты - ауылшаруашылығы өнімдерін өңдеу, сақтау, сату және дайындау инфрақұрылымын дамытуға және қамтамасыздық бағытындағы қызметтер көрсетуді дамытуға жағдай жасау",- деп хабарлайды корпорациядағылар.
"Бірлестіктерді құру мен несиелендіруге қатысушылар санының көптігі (ауылшаруашылығының тұтынушылары кооперативтерінің саны 10-нан кем емес болуға тиіс), алынатын мүліктің үздіксіз жұмыс істеуін қамтамасыз ету үшін бірлестікке қатысушылардың шикізат базасының жеткілікті болуы (жылдық сұраныстың 75 процентінен кем болмауға тиіс), ликвидті кепілдігі болуы тәрізді басты талаптар қойылады",- делінген баспасөз баянында.
"Несиелік қаржы 7 жыл мерзіммен технологиялық, зертханалық және өңдеу жабдықтары мен арнаулы автокөліктерді сатып алуға, ал 1-3 жыл мерзіммен айналым құралдарын сатып алуға беріледі",- делінген баспасөз баянында. "Сыйақы ставкасы жылдық 5 процент. Несиенің орнын толтыратын мүлік ролін бірлестік мүшелерінің мүлкі мен мұндай мүлік жетіспеген жағдайда сатып алынатын негізгі құралдар атқарады. Бірлестік мүшелерінің мүлкінің кепілдік ретіндегі құны несие мөлшерінің 60 процентінен төмен болмауға тиіс",- деп хабарлайды компания.
"Ауылшаруашылығы тұтынушыларының кооперативтері ет-сүт, жеміс-көкөніс, балық, жүн, астық және майлы дақылдарды өңдеу мен жинау жұмыстарымен шұғылдануға тиіс",- делінген баспасөз баянында.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
2007-жылы аграрлық инфрақұрылымдық бірлестіктерді несиелендіру жөніндегі мемлекеттік бағдарламаны жүзеге асыруға бюджеттен 2 млрд теңге бөлінді
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.