2008 жылдың бірінші тоқсаны бойынша Қазақстан экономикасы базалық сценарий бойынша дамып келеді - Акишев
2008 жылдың бірінші тоқсаны бойынша Қазақстан экономикасы базалық сценарий бойынша дамып келеді - Акишев
Алматы. 25 сәуір. "Қазақстан Бүгін" - 2008 жылдың бірінші тоқсаны бойынша Қазақстан экономикасы базалық сценарий бойынша дамып келеді. Бұл туралы бүгін "Қазақстан Бүгін" агенттігінің тілшісіне ҚР Ұлттық банк басқарма төрағасының орынбасары Данияр Акишев хабарлады. "Бірінші тоқсанның нәтижелері экономикалық өсімнің бар екенін көрсетіп отыр. Оның қарқыны бәсеңдеген, алайда, ол бар. Мұнай секторы да, мұнайға қатысы жоқ салалар да дамып келеді", - деді ол.
Дағдарысты жағдайдың аяқталуы мүмкін мерзім жөнінде айта келіп, "Ұлттық банктің басқарма төрағасының орынбасары жалпы алғанда сыртқы нарықтағы ахуал осы ауыр күйінде жыл аяғына дейін сақталатынын атап көрсетті. Біз онымен байланысты болғандықтан проблема кем дегенде жыл соңына дейін жалғасады".
Естеріңізге сала кетсек, Ұлтық банк елдің 2008-2009 жылдардағы дамуының екі жолын айқындаған. Бірі базалық және екіншісі пессимистік.
Базалық сценарийде ағымдағы операциялар бойынша айтарлықтай жетіспеушілікті сақтау күтіліп отыр (5 млрд доллардан астам). Бұл ретте банктер төлем мерзімі 2008-2009 жылдары келетін резидент еместер алдындағы барлық міндеттемелерін жаңа сыртқы қарыз алу есебінен қайта қаржыландыра алмайды. Бұл сценарий аясында 2008 жылғы ЖІӨ 5%, 2009 жылы - 6,3% құрайды деп күтіліп отыр.
"Экономикалық өсім қарқынының бәсеңдеуі тауар импортындағы тұтынудың азаюына және жалпы ішкі сұраныстың қысқаруына ықпал етеді. Бұл 2009 жылы төлем балансының түзетілуін қамтамасыз етеді. Бұл ҚР Ұлттық банкінің халықаралық қорының көлемін 2008 жылғы деңгейде сақтап тұруды және теңгенің номиналдық айырбас бағамының тұрақтылығын болжайды", - деп атап көрсетілген құжатта.
Ұлттық бактің болжамына сүйенсек, 2008 жылы ақша базасының өсімі 14,8% құрап, 1681 млрд теңгеге жетеді. 2009 жылы тиісінше 11,7%, 1878 млрд теңге. Ақша массасының өсімі 2008 жылы 8,3% (4998 млрд теңге), ал 2009 жылы - 23,5% (6173 млрд теңге) құрайды. Банк жүйесіндегі депозит 15 - 17% (2008 жылы 4167 млрд теңге, 2009 жылы 5124 млрд теңге) өседі деп болжанып отыр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.