2008 жылға арналған бюджетте әлеуметтік жәрдемақы төлеуге 500 миллиардтан астам теңге қарастырылады
2008 жылға арналған бюджетте әлеуметтік жәрдемақы төлеуге 500 миллиардтан астам теңге қарастырылады.
Астана. 24-қазан. "Қазақстан Бүгін" - 2008 жылға арналған бюджетте әлеуметтік жәрдемақы төлеуге 500 миллиардтан астам теңге қарастырылады. Бұл туралы бүгін Қазақстан Республикасының Табиғи монополияларды реттеу жөніндегі агенттігі алқасының кеңейтілген отырысы барысында еңбек және әлеуметтік қорғау вице-министрі Гүлшара Ибдіхалықова мәлім етті, деп хабарлайды "Қазақстан Бүгін" агенттігінің тілшісі.
"Келесі жылы 2008 жылға арналған бюджетте әлеуметтік жәрдемақы төлеуге 500 миллиардтан астам теңге қарастыру жоспарлануда, бұл үстіміздегі жоспарлы бөлінген қаржыдан 17 пайзға артық",- деді ол. Ол сонымен қатар, бүгінгі күнде республикамызда халықтың 22 пайызы әлеуметтік қамсыздандырумен қамтылған, бұл 3 млн адамнан асып түседі, деп нақтылады. Бұл топқа зейнеткерлер, мүгедектікке және асыраушысынан айырылуына байланысты мемлекеттік жәрдемақы алатындар, көп балалы аналар, көп балалы отбасылар, кедейлілік шегінен төмен деңгейдегі кірісі бар азаматтар кіреді.
Атап айтқанда, министрлің хабарлауынша, 2008 жылдың 1-қаңтарында зейнетақының орташа көлемі 28 пайызға өседі, мүгедектікке және асыраушысынан айырылуына байланысты берілетін мемлекеттік жәрдемақы 15,5 пайызға көтеріліп, 10 774 теңгені құрайды. Сонымен қатар, баланың дүниеге келуіне байланысты берілетін бір реттік мемлекеттік жәрдемақы көлемі екі есеге, баланың 1 жасқа толғанға дейін бағым-күтіміне арналған жәрдемақы 1,6 есеге өседі.
Г.Ибдіхалықова, келесі жылдан бастап жұмыс істейтіндердің жүктілікті, босану мен ана болуын әлеуметтік сақтандыру қорының есебінен міндетті әлеуметтік сақтандыруды енгізу жоспарланып отырғандығын еске сала кетті. Сонымен қатар, оның айтуынша, бала күту жәрдемақысының көлемі анасының жалақысының 40 пайызын құрайды.
"Базалық әлеуметтік төлемдерді түзету туралы шешім республикалық деңгейде қабылданған, осыған байланысты зейнетақы төлемдеріне қосымша 3,2 млрд теңге, мүгедектікке және асыраушысынан айырылуына байланысты әлеуметтік жәрдемақыға 2,8 млрд теңге бөлінеді",- деп атап өтті Еңбек және әлеуметтік қорғау вице-министрі.
Ол сондай-ақ, 2008 жылға арналған республикалық бюджет жобасында баспана көмегін көрсетуге жергілікті бюджеттен қосымша 3,5 млрд теңге бөлу қарастырылған.
"Бюджет жобасын талқылау барысында жергілікті бюджеттің кедейлік шегінен төмен деңгейдегі кірісі бар азаматтарға әлеуметтік көмек көрсету шығындарын 1,1 млрд теңгеге, тұрмысы төмен отбасыларының 18 толмаған балаларына жәрдемақы төлеуді - 1,7 млрд теңгеге өсіру қарастырылған",- деп қорытындылады вице-министр.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.