2008 жылы ауылдық несиелік серіктестіктерді құруды аяқтау жоспарлануда
2008 жылы ауылдық несиелік серіктестіктерді құруды аяқтау жоспарлануда
Астана. 8 қаңтар. "Қазақстан Бүгін" - "Аграрлық несиелік корпорация" АҚ 2008 жылы ауылдық несиелік серіктестіктерді құруды аяқтауды жоспарлауда. Бұл туралы "Аграрлық несиелік корпорация" АҚ басқармаларының төрағасы Асқарбек Қаражігітов хабарлады.
"Бұл жыл осындай бірлестіктерді құру бағытындағы жеті жылдық жұмыстар барысындағы соңғы жыл боомақ. "ҚазАгро" Ұлттық холдингімен бірлесе отырып, біз 2008 жылы тағы да 8 ауылдық несиелік серіктестіктерді құруды жоспарлап отырмыз. Сөйтіп, олардың саны 161-ге жетеді, ол республика аумағының 90% қамтуға жол ашады", - деді А.Қаражігітов.
Оның айтуынша, ауылдық несиелік серіктестіктерді құру және қазіргі барлары мен жаңадан құрылған серіктестік мүшелерін несиелендіру жоспарына сәйкес 3,8 млрд теңге бөлінбек. Несиелер өсімдік шаруашылығы мен мал шаруашылығын дамытуға, ауылшаруашылығы техникасы мен құрал-жабдықтарды сатып алуға 1-7 жыл мерзіммен беріледі. Ауылшуарушылығы құрылымдары үшін сыйақы ставкасы жылдық 8 - 9%-ті құрайды.
"Осындай жеңілдетілген шартпен несиелендіру өзін-өзі ақтады. Олардың көмегімен ауыл тұрғындары аз уақыт ішінде жаңа өндіріс орындарын құрып, пайда тауып, несиелерін дер кезінде өтеуде. Егер корпорация 2001 жылдан бері жалпы алғанда 39,7 млрд. теңгенің несиелерін таратқан болса, оның 21,9 млрд теңгесі қазіргі жағдаймен қайтарылды" - деді А.Қаражігітов
Бүгінде республика облыстарының 150 ауданында 153 ауылдық несиелік серіктестік жұмыс істеуде. Серіктестіктер 6,1 мың ауылшаруашылығы бірлестіктерін біріктірген, олардың 82% - шаруа қожалықтары, 10% - ЖШС және 8% -басқа да ұйымдар.
"Аграрлық несиелік корпорация" АҚ 2001 жылдың 25 қаңтарында құрылған. Корпорация акциялары 100% мемлекеттік иелігінде. 2007 жылы корпорация активтері 29,1 млрд. теңгені, жеке капиталы - 25,1 млрд. теңгені, жарғылық қоры 24,4 млрд теңгені құрады.
Аграрлық несиелік корпорация - ауылшаруашылығы өндірісін, ауылшаруашылығы өнімдерін өңдеуді, ауылдық жерлердегі ауылшаруашылығына жатпайтын бизнесті несиелендіретін арнайы ұйым. Корпорацияның мақсаты ауылдарда тиімділік пен ашықтық негізінде бәсекеге қабілетті кәсіпкерлікті дамытуға ынталандырушы қол жетімді несиелердіру жүйесін құруға бағытталған мемлекеттік саясатты жүзеге асыруға саяды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.