2013 жылы "Аграрлық несие корпорациясы" көктемгі дала жұмыстарына 40 млрд. теңге бөлді
"Қаржыландыру бойынша басымдық берілген бағдарламалар қатарында ауылшаруашылығы тутынушы кооперативтерін қаржыландыру және фермерлерге қажетті техниканы сатып алу үшін қолдау көрсету, негізгі құралдарды сатып алу және жаңғырту, оның ішінде жаңа технологияларды енгізу де бар", - деп Н. Сейсенбаев атап өтті.
Алматы. 27 ақпан. Kazakhstan today. "Аграрлық несие корпорациясы" АҚ 2013 жылы көктемгі дала және жинастыру жұмыстарына 40 млрд. теңге бөлді. Бұл туралы "Strategy2050.kz" АА тілшісіне берген эксклюзивті сұхбатында компанияның басқарушы директоры Нұржан Сейсенбаев мәлім етті.
"Қаржыландыру бойынша басымдық берілген бағдарламалар қатарында ауылшаруашылығы тутынушы кооперативтерін қаржыландыру және фермерлерге қажетті техниканы сатып алу үшін қолдау көрсету, негізгі құралдарды сатып алу және жаңғырту, оның ішінде жаңа технологияларды енгізу де бар", - деп Н. Сейсенбаев атап өтті.
Сонымен оның айтуынша коорпорация көктемгі дала және жинау жұмыстары бойынша өтініштерді қарауға кірісіп кеткен.
"Өткен жылы осы мақсатты 40 млрд. теңге бөлінді, қомақты қаржы біздің қарызгер фермерлерге 2 млн. га жерге егін егіп, жинау жұмыстарын жүргізуге мүмкіндік берді. Бүгіннен бастап біз ауылшаруашылығы тауарын өндірушілермен сөйлесіп, олардың өтініштерін қабылдап, қарастырып жатырмыз. Менің ойымша біз осы мақсаттарды қаржыландыруді бастаймыз", - деді Н. Сейсенбаев.
Сонымен қатар, ол төлдейтін ІҚМ басын сатып алу бойынша жобаны жүзеге асыру барысы туралы айтып берді.
"Бұл ет экспорты әлеуетін дамыту бағдарламасы аясында іске асырылып және дамытылып жатқан "Сыбаға" бағдарламасы. Аталмыш бағдарламаның басынан бастап қолға алынуынан бастап корпорация 70 мыңнан астам ірі қара малын қаржыландырды. Бұл дегеніңіз шамамен 17 млрд теңге. Тек өткен жылдың өзінде осы бағдарламаға 5 млрд 800 млн теңге бөлініп, 30 мыңдай ірі қара алынған", - дейді Н.Сейсенбаев.
Айта кету керек, аталмыш бағдарлама тауар-ферма шаруашылықтарында мал басын арттыруға мүмкіндік береді.
"Демек, фермерлер тарапынан сатып алу нәтижесінде мал басы жеке тұрғындардың қолынан біртіндеп шаруа қожалықтарының қолына өтіп жатыр. Бұның соңы неге алып барады? Еңбек өнімділігі артады, шағын және орта кәсіпкерлік күшейеді. Жалпы мал шаруашылығының дамуына қарқын береді", - деп түйіндеді Н.Сейсенбаев.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.