2013 жылы Қазақстанда шамамен 38 мың жеңіл көлік пен 2 290 жүк көлігі құрастырылды
2013 жылы Қазақстанда шамамен 38 мың жеңіл көлік пен 2 290 жүк көлігі құрастырылды. Жалпы автокөлік сатылымындағы қазақстандық өндірістің үлесі 21 пайызды құрады.
Алматы. 5 ақпан. Kazakhstan today. 2013 жылы Қазақстанда шамамен 38 мың жеңіл көлік пен 2 290 жүк көлігі құрастырылды. Жалпы автокөлік сатылымындағы қазақстандық өндірістің үлесі 21 пайызды құрады.
Қазақстандық АвтоБизнес қауымдастығының хабарлауынша, бұл ҮИИД мемлекеттік бағдарламамен бизнесті қолдаудың арқасында мүмкін болып отыр. Атап айтар болсақ, қазақстандық өнімді арттыру, инновациялық даму, технологиялық жаңғырту, машина жасау саласын дамытудың салалық бағдарламасына қатысты.
"Мемлекет тарапынан, соның ішінде жергілікті атқарушы органдардың автокөлік саласын қолдаудың арқасында және қазақстандық өндірісті арттыру мен дамытуға бағытталған жоғарыда аталған бағдарламаларды іске асырумен қазақстандық автонарық үшін бірқатар маңызды стратегиялық жобаларды іске асыру мүмкін болып отыр", - деп хабарлайды қауымдастық.
"БРК-Лизинг" тарапынан 62,8 млн доллар қаржылық қолдау арқылы шанақты дәнекерлеу мен сырлау жұмыстарымен шағын шанақты құрастыру әдісімен SsangYong Nomad көлігін шығару мүмкін болып отыр. Бұл өз кезегінде КО елдерінде теңдессіз өнім шығарып қазақстандық қамту көлемін арттыруға жағдай жасады.
"Kaznex Invest" Ұлттық экспорт және инвестиция агенттігі мен ҚР ИЖТМ бірлесіп DKD (Disassembled Knock Down) технологиясымен Peugeot автокөлігі өндірісін қолға алды.
Сонымен қатар, Hyundai Auto Trans коммерциялық техника зауыты қазақстандық нарықты әлеуметтік маңызы бар отандық өнім болып табылатын арнайы техникамен қамтамасыз етіп отыр және қазақстандық қамту құнының жоғары құнымен өнімді сыртқа тасымалдауға да мүмкіндік алып отыр.
Өскемен қаласында толық циклді зауыт құрылысы басталды. Ол 500 млн долларлық автокөлік жинау, сырлау мен дәнекерлеу жұмыстарын атқарады. Алғашқы кезде салынған 233 млн доллар инвестиция жылына 60 мың көлік шығарады деп күтілуде.
"СарыаркаАвтоПром" өндірістік алаңында AllurGroup МК IVECO PowerDaily коммерциялық техникасын өндіреді. Аталмыш техника нарықта жоғары сұранысқа ие болып, шығарылған уақытанан бастап небары алты ай ішінде коммерциялық техника нарығында 4% үлеске ие болып отыр.
Бұдан бөлек сатып алу мен іске асыру құны арасындағы айырмашылықты шығаратын Tradе-In жүйесі бойынша салықтық заңнамаға түзетулер енгізілді.
"Автокөлік өндірісі саласында айтарлықтай нәтижеге қол жеткізудің бірден бір себебі мемлекет тарапынан аталмыш салаға көрсеткен қолдауы болып отыр. Атап айтар болсақ ИЖТМ жеке салалардағы бағдарламаларға үлкен маңыз беріп отыр. Қазақстандық кәсіпкерлікке мемлекттік қолдау ел экономикасының кепілі болмақ", - дейді Қазақстандық АвтоБизнес қауымдастығының президенті Андрей Лаврентьев.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.