2013 жылы Қазақстандағы газ экспортының көлемі шамамен 9 млрд текше метрді құрады - Ұ.Қарабалин
Министрдің айтуынша, саланың негізгі оқиғаларының бірі өткен жылы Атасу-Алашанькоу маршрутының кеңейтілуі болды. Онда 2013 жылдың желтоқсан айында 20 млн тонналық келісім түзіліп, Ресеймен бірқатар үкіметаралық маңызды келісімдер дайындалды.
Алматы. 27 қаңтар. Kazakhstan today. 2013 жылы Қазақстандағы газ экспорты көлемі шамамен 9 млрд текше метрді құрады, деп мәлімдеді министр Ұзақбай Қарабалин ҚР Мұнай және газ министрлігі қызметкерлерінің кеңейтілген отырысында.
"Тауарлы газдың дайындау көлемі өткен жылы 22,6 млрд текше метрді құрап, 2012 жылғы көрсеткіштің 104% құрады. Қазақстан өңірлерінің көгілдір отынды тұтыну көлемі шамамен 11 млрд текше метрді құрап, бір жылда 4 пайызға артқан", - деді министр.
Оның айтуынша, республикамыз арқылы өткізілетін транзиттік газдың көлемі 99 млрд текше метрді құрайды, бұл көрсеткіш 2012 жылғыдан 2 пайызға артық. Соның ішінде транзиттік көгілдір отынның 55% ресейге тиесілі болса, 36% - түркмендікі, шамамен 9% өзбекке тиесілі.
Сонымен қатар, өз баяндамасында министр 2013 жылғы мұнай мен конденсат экспорты көлемін мәлімдеді.
Оның айтуынша, Қазақстанда соңғы 3 жылда Брент мұнайының ең көп деңгейі анықталған. Ол шамамен барреліне 110 доллардан келеді.
"Өткен жылы біздің мұнайдың экспорт көлемі мен конденсант көлемі 72 млн тоннаны құрап, 2012 жылғы көрсеткіштен 5 пайыз артық нәтиже берген. Тағы 9 млн тоннаның темір жол арқылы тасымалданғаны да анық", - деді Ұ.Қарабалин.
Министрдің айтуынша, саланың негізгі оқиғаларының бірі өткен жылы Атасу-Алашанькоу маршрутының кеңейтілуі болды. Онда 2013 жылдың желтоқсан айында 20 млн тонналық келісім түзіліп, Ресеймен бірқатар үкіметаралық маңызды келісімдер дайындалды.
"Отандық мұнай өңдеу зауыттарын шикізатпен қамтамасыз ету үшін Қазақстан ресейлік мұнайды дайындау құқына ие болып отыр. Ол үшін мұнайдың сапасы мен өзге де қасиеттері келісімшартта көрсетілгендей болуы керек", - деді министр.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.