2014 жылдың басынан бері ҚХР-дан келген инвестиция көлемі 20 млрд доллардан асты - Б.Сағынтаев
Қазақстанға ағымдағы жылдың басынан бері ҚХР-дан келген жиынтық инвестициясының көлемі 20 млрд. долл. асты, деп бүгін ОКҚ өткен брифингте ҚР Премьер-Министрдің бірінші орынбасары Бақытжан Сағынтаев мәлім етті.
Алматы. 13 мамыр. Kazakhstan today. Қазақстанға ағымдағы жылдың басынан бері ҚХР-дан келген жиынтық инвестициясының көлемі 20 млрд. долл. асты, деп бүгін ОКҚ өткен брифингте ҚР Премьер-Министрдің бірінші орынбасары Бақытжан Сағынтаев мәлім етті.
"Жыл басынан бері ҚХР жиынтық инвестициясының көлемі 20 млрд. доллардан асты. Олардың 5,68 млрд. долл. тікелей АҚШ инвестициясы. Жалпы, екі жақты жұмыстың нәтижесінде 2013 жылы екіжақты сауда-саттық 22,5 млрд. долл. құрады. Оның ішінде 14,3 млрд. долл. қазақстанның экспорты, ал, 8,1 млрд. долл. импорт. ҚР оң сальдосы 6,2 млрд. долл. тең. 2014 жылдың қаңтар-ақпан айралында екі жақты сауда-саттық көлемі 3,56 млрд. долл. көрсетті ", - деді Б.Сағынтаев.
Қазақстан Республикасы Премьер-Министрінің бірінші орынбасары сонымен қатар ҚХР-мен бірлесіп іске асырылып жатқан инвестициялық жобалар туралы айтты.
"Самұрық-Қазына" АҚ кестесімен "Инвестициялық карта" аясында барлығы 22 жоба іске асырылуда. Соның ішінде мұнай-газ секторында 11 жоба болса, оның 1 жобасы аяқталып, тағы 10 жоба жүзеге асырылуда. Мұнай-химия секторында 1 жоба, энергетикалық секторда 6 жоба, тау-кен металлургиясында 2 жоба қарастырылған", - дейді ол.
Сонымен қатар, тағы екі жоба жоспарланған: "Ырғыз-Шалқар-Бейнеу" учаскісін қалпына келтіру" мен "Үлкен Алматы айналым автожолы".
"Жоғарыда аталған бірлескен жобаларды іске асыру шетелдік капиталды тартудың маңызды бөлігі болып табылады", - дейді Б.Сағынтаев.
Айта кету керек, биылғы жылдың 19-21 мамырында Мемлекет басшысының ҚХР-на Мемлекеттік сапары мен Шанхайдағы АӨСШК-нің IV саммитіне қатысу жоспарланған. ҚХР-на сапары барысында ҚХР төрағасы Си Цзиньпинмен келіссөздер жүргізіп, екіжақты құжаттарға қол қойылмақ.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.