2014 жылдың шілде айына дейін жергілікті жобаларды қаржыландыру артады
Оның айтуынша, бүгінгі таңда 122,5 млрд теңгені 10 аймақ мақұлдады, қалған 6 аймақ бойынша сәуір айында бөлінетін бюджет арқылы жүзеге асады.
Алматы. 14 сәуір. Kazakhstan today. 2014 жылдың шілде айына дейін жергілікті жобаларды қаржыландыру артады. Бұл туралы бүгін ҚР Президенті жанындағы Орталық коммуникациялар қызметінің брифингісінде Экономика және бюджеттік жоспарлау министрі Ерболат Досаев мәлімдеді.
"2014 жылдың 1 шілдесіне дейін аймақтарда ТКШ, жол құрылысы, әлеуметтік маңызы бар нысандарды жөндеу жергілікті атқарушы органдар мен жергілікті бюджеттің табысынан жергілікті жобаларды қаржыландыру артады", - деді Е. Досаев.
Оның айтуынша, бүгінгі таңда 122,5 млрд теңгені 10 аймақ мақұлдады, қалған 6 аймақ бойынша сәуір айында бөлінетін бюджет арқылы жүзеге асады.
"Біз күн сайын ахуалды жіті бақылап отырамыз. Бүгінде түрлі болжамдар бар. Соңғы деректерге сүйенетін болсақ Ресей Федерациясы экономикасының өсімі - 1,3% құрайды, алайда Ресей Федерациясы Орталық банкінің басшысы Набиуллинаның айтуы бойынша бұл көрсеткіш 1%-дан да төмен болуы бек мүмкін.
Осы мәселе бойынша егер ахуал нашарлап кетсе ресейлік компаниялар өз тауарларын саудалайтын аймақтарды іздестіріп, қазақстандық тауарлар үшін дәстүрлі нарыққа шығуы мүмкін. Біз бұл болжамды жоққа шығармаймыз", - деді Е. Досаев.
Оның айтуынша, 2014 жылы экономиканы жандандыру үшін бөлінген қомақты қаржы 500 млрд. теңге жаңа жобаларды қаржыландыру немесе қарыздарды қайта қаржыландыру арқылы нақты экономикалық секторға қайта келеді.
"Сондықтан да өсім міндеті 6% және инфляция дәлізі 6,8% деңгейінде сақталып отыр. Алайда,ағымдағы жылдың бірінші жарты жылдық қорытындысы бойынша түрлі сценарийлерге қайта келуіміз мүмкін", - деп Е. Досаев қорытындылады.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.