2014 жылы "ҚазАгроИнновация" 2,5 мыңнан астам ауылшаруашылығы өнімін өндірушілерін оқытады
"Бүгінде біздің ғылым ауылдық ұйымдарымыздың жанынан 10 білімді тарату орталығы ашылды. Болашақта мүндай орталықтар санын 16-ға жеткізу көзделуде. Осылайша Қазақстанның барлық аймақтары түгелдей қамтылып, тауар өндірушілер арнайы оқудан өтіп, сала бойынша инновациялық технологияардан хабардар болып отырады", - деп Т. Ибсаттар хабарлады.
Алматы. 5 ақпан. Kazakhstan today. Елбасының халыққа Жолдауының аясында 2014 жылы "ҚазАгроИнновация" 2,5 мыңнан астам ауылшаруашылығы тауарын өндірушілерді оқытады, деді "Strategy2050.kz" АА берген эксклюзивті сұхбатында "KазАгроИнновация" АҚ Білім беру жүйесін дамыту департаментінің директоры Талғат Ибсаттар.
"ҚР Президенті Н.Назарбаев халыққа Жолдауында Қазақстанның агроөндіріс кешенінің инновациялық бағытқа көшіру қажеттілігін атап өтті. Ауыл шаруашылығы өнімдерін өндірушілер үшін ғылыми білім мен инновацияны тікелей қол жетімді ету үшін және заманауи технологияларды жылдам енгізу үшін білімді тарату жүйесі бойынша "Extension" бағдарламасы жүзеге асырылуда. Бұл жоба әлемнің көптеген елдерінде танымал", - деді Т. Ибсаттар.
Оның айтуынша, осы мақсатта АҚ ғылыми-зерттеу институтының жанынан Білімді тарату орталығы құрылып, жұмыс істеуде. Ол инновацияны енгізіп, ауыл шаруашылығы тауарын өндірушілерді арнайы оқытады.
"Бүгінде біздің ғылым ауылдық ұйымдарымыздың жанынан 10 білімді тарату орталығы ашылды. Болашақта мүндай орталықтар санын 16-ға жеткізу көзделуде. Осылайша Қазақстанның барлық аймақтары түгелдей қамтылып, тауар өндірушілер арнайы оқудан өтіп, сала бойынша инновациялық технологияардан хабардар болып отырады", - деп Т. Ибсаттар хабарлады.
Оның айтуынша 2014 жылы "ҚазАгроИнновация" АҚ 2,5 мыңнан астам ауылшаруашылығы тауарын өндірушілерді оқытып, 2 мың шаруа қожалықта ауылшаруашылығы өнімін өндірушілерге кеңес беру шараларын ұйымдастыруды жоспарлауда.
Айта кетерлік жайт, білімді тарату орталықтары 2009 жылдан бастап құрылып, жұмыс істей бастады. Бес жыл ішінде онда 12 мыңнан астам ауылшаруашылығы тауарын өндірушілер оқытылды.
"Негізінен біздің басты құралымыз ауыл шаруашылық өнімін өндірушілерге жаңадан білім беру, тәжірибеде жаңа технологияларды пайдалану, ноу-хау енгізу. Сонымен қатар, біздің орталық тарапынан жаңа оқыту құралдары енгізіле бастады. Олар онлайн кеңес беру мен тікелей кеңес беру жұмыстары", - дейді "ҚазАгроИнновация" АҚ білім беру жүйесін дамыту департаментінің директоры.
Т.Ибсаттардың айтуынша, білім беру шығындарын мемлекет өзі көтереді.
"Қазіргі таңда 5 жылдан бері біз ауыл шаруашылық өнімін өндірушілерге 10 мыңнан астам кеңес беру жұмыстарын жүргіздік. Соның ішінде 5 мыңы қашықтықтан кеңес беру болса, қалған жартысы тікелей кеңес беру. Тікелей кеңес беру ауыл шаруашылық кәсіпкерліктерге біздің өзіміздің баруымыз арқылы жүзеге асырылады. Яғни, орталық базасында әр сала бойынша кеңесшілер жұмыс істейді. Олар фермерлерден өтініш алып, тиісті шаруашылыққа барып, онда технологиялық аудит өткізеді. Шаруашылықтың кемшіліктерін де иесіне ескерте кетеді. Осылайша олар кәсіпкерліктерге жетістікке жетудің сырын үйретеді", - дейді Т. Ибсаттар.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.