2014 жылы ҚР-ның 160 аудан орталығында КҚО ашылады - Б.Жәмішев
2014 жылы ҚР-ның барлық 160 аудан орталықтарында КҚО ашылады, деп мәлімдеді ҚР Өңірлік даму министрі Б.Жәмішев ҚР Президенті жанындағы ОКҚ брифингінде.
Алматы. 20 қаңтар. Kazakhstan today. 2014 жылы ҚР-ның барлық 160 аудан орталықтарында КҚО ашылады, деп мәлімдеді ҚР Өңірлік даму министрі Б.Жәмішев ҚР Президенті жанындағы ОКҚ брифингінде.
"Барлық 16 ірі қала мен Семей қаласында кәсіпкерлерге қызмет көрсету орталықтары ашылды. Барлық 27 моноқалаларда кәсіпкерлерді қолдау орталықтары жұмыс істеп тұр. 2014 жылы Қазақстанның барлық 160 аудан орталықтарында кәсіпкерлерге қызмет көрсету орталықтары ашылады", - дейді министр.
Оның айтуынша, елімізде халыққа жақын ақпараттық-кеңес беру орталықтар желісі құрылады және оқыту бағдарламалары бойынша жұмыстар жандандырылады.
"Атап айтар болсақ, бастауыш кәсіпкерлерге арнайы "Бизнес-кеңесші" бағдарламасымен қатар өз кәсіптері бар кәсіпкерлерге арналған "Бизнес-өсім" жобасы ашылады. Барлық КҚО-да Жас кәсіпкерлер мектебі қызмет ететін болады", - дейді Б.Жәмішев.
Министрдің айтуынша, телевидение мен ғаламторда бірқатар визуалды бағдарламалар енгізілу жоспарлануда.
"Біз кәсіпкерлер жетістіктерінің тарихын көрсетеміз. Олардың өз еңбектерімен жеткен биіктері жайлы, әр саладағы бастауыш кәсіпкерлік жайлы мағлұматтар береміз. "Даму" қоры "Жетістік тарихы", "Арнайы репортаж", "Бизнес аумағы" атты бағдарламаларды дайындап қойды", -дейді министр.
Айта кету керек, Мемлекет басшысының тапсырмасымен бизнес идеяларының жинағы кеңінен таратылады. Онда 100 модельді қанатқақты жобалар енгізіледі.
"Бұл кәсіпкерліктің беделін арттыра түседі. Нәтижесінде халықтың бизнесті тек тендер арқылы жүргізуге болады деген ойынан арылтады. Елдегі кәсіпкерлік мамандануды кеңінен таратады", - дейді министр.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.