2015 жылдыӊ 21-28 сәуірі аралығында негізгі азық-түлік бағалары қалай өзгерді?
Астана. 30 сәуір. Kazakhstan Today - 2015 жылдыӊ 21-28 сәуірі аралығында "Қазагромаркетинг" АҚ-ныӊ ел аймақтары бойынша азық-түлік бағаларына жүргізген бөлшек сауда бағаларыныӊ мониторингі, деп хабарлайды Kazakhstan Today агенттігініӊ тілшісі.
Қарастырылып отырған уақыт ішінде бакалея өнімдері арасында:
- Астанада арпа жармасыныӊ бағасы 13%-ға 126-дан 110 теӊге/кг-ға дейін төмендеді. Сатылымда қаптан өлшеніп сатылатын арзан өнім мөлшерініӊ артуы орташа баға көрсеткіштерініӊ арзандауына әсер етті. Көтерме сауда бағалары өзгерген жоқ - 55 теӊге;
- Астанада бидай жармасы 12%-ға 143-тен 126 теӊге/кг-ға дейін арзандады. Бұл да сатылымда қаптан өлшеніп сатылатын арзан өнім мөлшері артуыныӊ орташа баға көрсеткіштерініӊ арзандауына әсер етуімен түсіндіріледі. Көтерме сауда бағалары өзгерген жоқ - 55 теӊге.
Ет және сүт өнімдері арасында айтарлықтай баға өзгерісі (10%-дан артық) анықталған жоқ.
Жеміс-көкөніс өнімдері арасында келесі өзгерістер анықталды:
- Шымкентте қияр бағасы 18%-ға 400-ден 330 теӊге/кг-ға дейін арзандады. Нарықтыӊ отандық өндірушілердіӊ арзан жылыжай өнімімен қанығуы бағалардыӊ төмендеуіне әкелді. Көтерме сауда бағалары 20%-ға 350-ден 280 теӊге/кг-ға дейін арзандады;
- Өскеменде қияр 12%-ға 452-ден 507 теӊге/кг-ға дейін қымбаттады. Баға өсімі өнім жеткізілімініӊ азаюымен (жолдарды судыӊ басуы себебінен) және көтерме бағалардыӊ 41%-ға 295-тен 417 теӊге/кг-ға дейін артуымен түсіндіріледі;
- пияз бағасы Өскеменде 13%-ға 135-тен 153 теӊге/кг-ға дейін, Шымкентте 12% -ға 89-дан 100 теӊге/кг-ға дейін, Оралда 11%-ға 98-ден 109 теӊге/кг-ға дейін қымбаттады. Бұл өнім қорыныӊ азаюы мен көкөністі сақтауға кеткен шығынныӊ артуына байланысты орын алған маусымдық баға өсімі болып табылады. Бір апта ішінде көтерме бағалар Өскеменде 3%-ға 131-ден 135 теӊге/кг-ға дейін, Шымкентте 13%-ға 80-нен 90 теӊге/кг-ға дейін, Оралда 11%-ға 84-тен 93 теӊге/кг-ға дейін қымбаттады;
- Атырауда картоп 16%-ға 122-ден 103 теӊге/кг-ға дейін арзандады. Бағалардыӊ төмендеуі нарықтыӊ өніммен қанығуы мен сұраныстыӊ төмендеуімен түсіндіріледі. Көтерме бағалар керісінше бір апта ішінде 3%-ға 97-ден 100 теӊге/кг-ға дейін қымбаттады;
- қырыққабат бағасы Петропавлда 26%-ға 115-тен 145 теӊге/кг-ға дейін, Павлодарда 23%-ға 110-нан 135 теӊге/кг-ға дейін, Оралда 17%-ға 109-дан 128 теӊге/кг-ға дейін, Қостанайда 16%-ға 110-нан 128 теӊге/кг-ға дейін және Астанада 12%-ға 129-дан 144 теӊге/кг-ға дейін қымбаттады. Өнім қорыныӊ азаюы мен көкөністі сақтауға кеткен шығынныӊ артуына байланысты орын алған маусымдық баға өсімі. Сонымен бірге, бағаныӊ өсуіне сатылымда қымбат импортты ерте пісетін сұрыптардыӊ пайда болуы да әсер етті;
- сәбіз Көкшетауда 37%-ға 95-тен 130 теӊге/кг-ға дейін, Өскеменде 21%-ға 110-нан 133 теӊге/кг-ға дейін, Астанада 14%-ға 111-ден 127 теӊге/кг-ға дейін қымбаттады. Өнім қорыныӊ азаюымен түсіндірілетін маусымдық баға өсімі. Бір апта ішінде көтерме бағалар Көкшетауда 38%-ға 80-нен 110 теӊге/кг-ға дейін, Өскеменде 26%-ға 97-ден 122 теӊге/кг-ға дейін, Астанада 24%-ға 85-тен 105 теӊге/кг-ға дейін қымбаттады.
"Қазагромаркетинг" АҚ апта сайын әр сейсенбі күні азық-түлік тағамдарыныӊ 66 түрі бойынша еліміздіӊ барлық облыс орталықтары мен Астана, Алматы қалаларында баға мониторингін өткізеді.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.