2016-2017 жылдары Жеке тұрғын үй құрылысына арналған 100,9 мыӊ учаске қажетті инженерлік инфрақұрылыммен қамтамасыз етіледі
Астана. 19 қыркүйек. Kazakhstan Today - Ұлттық экономика министрі Қуандық Бишімбаев Қазақстан Парламенті Мәжілісінде өткен үкімет сағаты барысында ағымдағы экономикалық жағдай туралы, "Нұрлы жол" мемлекеттік бағдарламасыныӊ, 9 қыркүйекте Үкіметтіӊ кеӊейтілген отырысында Мемлекет басшысы берген тапсырмалардыӊ іске асырылуы туралы баяндады, деп хабарлайды Kazakhstan Today ҚР Ұлттық экономика министрлігініӊ баспасөз қызметіне сілтеме жасап.
Министрліктіӊ деректері бойынша, тұрғын үйдіӊ барлық түрлерін, оныӊ ішінде жеке тұрғын үй құрылысын дамыту үшін "Нұрлы жол" мемлекеттік бағдарламасында жаппай құрылыс салу аудандарында инженерлік-коммуникациялық инфрақұрылым салу көзделген.
"Бұл мақсаттарға 2015-2016 жылдары 151,8 млрд. теӊге бөлінді. 2016-2017 жылдары біз Жеке тұрғын үй құрылысына арналған 100,9 мыӊ учаскені қажетті инженерлік инфрақұрылыммен қамтамасыз етеміз. Инфрақұрылым бүгінгі күні берілген 57,4 мыӊ жер учаскесіне және жаӊа 43,5 мыӊ учаскеге жүргізілетін болады. 2017 жылы қажетті инженерлік инфрақұрылыммен қамтамасыз ету үшін 84 млрд. теӊге жұмсау жоспарлануда" деп мәлімдеді Бишімбаев.
Үкіметтіӊ кеӊейтілген отырысында айтылған, Мемлекет басшысы берген тапсырмалардыӊ іске асырылуы туралы баяндама жасай отырып, министр әлеуметтік-экономикалық саясаттыӊ басты міндеттерініӊ бірі халықты өнімді жұмыспен қамтуды қамтамасыз ету және өзін өзі жұмыспен қамту проблемасын шешу болып табылатынын атап көрсетті.
"Біздіӊ міндетіміз - өзін өзі жұмыспен қамтығандарды өнімді жұмыспен қамтуға көптеп тарту және олардыӊ табысын ұлғайту" - деді министр.
2017 жылдан бастап "Жалпыға арналған тегін кәсіптік-техникалық білім беру" жобасы іске қосылатын болады. Одан басқа, микрокредиттеуді дамыту жолымен жаппай кәсіпкерлікті ынталандыру көзделген.
Министр "Қалаларда біз банк секторы инфрақұрылымын тартуды, ауылдық жерлерде - микрокредиттеу жөніндегі бірыӊғай оператор құруды жоспарлап отырмыз" - деп атап өтті.
"Агробизнес 2020" бағдарламасыныӊ негізінде Мемлекеттік АӨК дамыту бағдарламасы әзірленеді.
"Жаӊа Мемлекеттік бағдарлама аясында өӊделген ауыл шаруашылығы өнімдерініӊ экспортын ұлғайту, сервистік-дайындау кооперативтерін құру, суармалы жерлерді айналымға енгізу жөніндегі міндеттер шешілмек" екенін министр әӊгімелеп өтті.
Оныӊ сөздері бойынша, 600 мыӊ га. суармалы жерді пайдалануға берудіӊ нәтижесінде 200 мыӊ тұрақты жұмыс орнын құруға болады.
Макроэкономикалық тұрақтылықты қамтамасыз ету мақсатында инфляция деӊгейін төмендету және баға тұрақтылығын одан әрі қамтамасыз ету болжанып отыр. Орта мерзімді перспективада Ұлттық Банктіӊ ақша-кредит саясаты инфляцияны 3-4%-ға дейін төмендетуге бағытталады. Сондай-ақ мемлекеттік борыштыӊ өсуіне жол бермеу шаралары да қабылданатын болады.
"2017-2019 жылдары мемлекеттік борышты қолайлы деӊгейде ұстап тұру үшін республикалық бюджет тапшылығын 2019 жылға қарай ЖІӨ-ге қатысты 1,0 %-ға дейін кейіннен төмендете отырып, 2017 жылы ЖІӨ-ге қатысты 1,2 %-ға азайту жоспарланып отыр" - деп атап айтты Бишімбаев.
Ол мұнай бағасыныӊ төмен деӊгейде сақталуы жағдайында келешек ұрпақ үшін Ұлттық қордыӊ сақталуын қамтамасыз ету маӊызды екенін атап көрсетті.
"Ұлттық қордан қосымша қаражат тартылмайтын болады. Біз экономиканыӊ жеке инвестициялар мен кәсіпкерлікті дамытуға негізделген ішкі мүмкіндіктерін пайдаланамыз" - деді Қ.Бишімбаев.
Ол "Нұрлы жол", Индустрияландыру бағдарламаларын, Агроөнеркәсіптік кешенді, жаппай кәсіпкерлікті дамыту жөніндегі Мемлекет басшысы атаған жаӊа бағыттарды, банктік сектордыӊ инвестициялық белсенділігін қалпына келтіруді, жеке инвестициялар тартуды, салық жүйесін реформалауды тиімді іске асыру жыл сайын орта мерзімді перспективада экономиканыӊ 3,5-4% деӊгейінде өсуін қамтамасыз етуге мүмкіндік береді" - деп мәлімдеді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.