2018 жылы Ақтөбе облысыныӊ Мәртөк ауданына 5,2 млрд. теӊге инвестиция тарту жоспарлануда
2018 жылдыӊ бес айы ішінде өнеркәсіптік өндіріс көлемі 1,6 млрд.теӊгені, тартылған инвестиция 1,9 млрд.-қа жуық теӊгені құрады. Бұл 2017 жылдыӊ осындай мерзімімен салыстырғанда 703,1 млн.теӊгеге көп. Ағымдағы жылдыӊ соӊына дейін 5,2 млрд.теӊге көлемінде инвестиция тарту жоспарда бар.
Ақтөбе. 29 маусым. Kazakhstan Today - 2018 жылы Ақтөбе облысыныӊ Мәртөк ауданына 5,2 млрд. теӊге инвестиция тарту жоспарлануда.
Бұл туралы Ақтөбе облысыныӊ Өӊірліӊ коммуникациялар қызметінде өткен баспасөз мәслихатында Мәртөк ауданыныӊ әкімі Жандос Байырханов хабарлады.
Оныӊ айтуынша 2018 жылдыӊ бес айы ішінде өнеркәсіптік өндіріс көлемі 1,6 млрд.теӊгені, тартылған инвестиция 1,9 млрд.-қа жуық теӊгені құрады. Бұл 2017 жылдыӊ осындай мерзімімен салыстырғанда 703,1 млн.теӊгеге көп. Ағымдағы жылдыӊ соӊына дейін 5,2 млрд.теӊге көлемінде инвестиция тарту жоспарда бар.
Бөлшек сауда көлемі 1,1 млрд.теӊгені құрады, 15 ауылшаруашылық жәрмеӊкесі өтіп, 10,9 млн.теӊгеге өнім сатылды.
"Құрылыс жұмыстарыныӊ көлемі 555,7 млн. теӊгеге (227,6 %) орындалды. Қазіргі кезде 60 орындық интернаты бар 320 орындық мектеп, Сарыжар ауылында ауылдық клуб, Мәртөк ауылында 136 учаскеге газ құбырын және 103 учаскеге электр желілерін салу, Қызылжар ауылында сумен жабдықтау жүйесін қайта жарақтандыру жұмыстары жүргізіліп жатыр. Құмсай және Ақмоласай ауылдарында су құбыры желілері құрылысына, екі пәтерлі 8 жалдамалы-коммуналдық тұрғын үйлердіӊ құрылыстарына, Құмсай ауылындағы электр желілеріне, Вознесеновка, Достық және Құмсай ауылдарына тартылатын газқұбырыныӊ құрылыстарына жобалық-сметалық құжаттамалар әзірленді. 7100 шаршы метр жеке тұрғын үй пайдалануға берілді, биылғы жылдыӊ соӊына дейін 2,5 млрд.теӊгеге 18000 шаршы метр тұрғын үй беру жоспарланып отыр", - деді Жандос Байырханов.
Ауыл шаруашылығыныӊ жалпы өнім көлемі 4,2 млрд.теӊгені құрады, 2,9 мыӊ тонна ет, 14,3 мыӊ тонна сүт өндіріліп, 1,7 млн.дана жұмыртқа алынды. Мемлекеттік бағдарламалар тиімді пайдаланылып, шағын және орта бизнес дамып келеді.
Жұмысқа орналастыру шаралары қабылданып жатыр. 2018 жылдыӊ бес айы ішінде ауданныӊ 855 тұрғыны жұмысқа орналасты, 273 жаӊа жұмыс орны ашылды. Жаӊа үлгідегі атаулы көмекпен 1099 адам қамтылды.
Ақтөбе облысыныӊ Өӊірлік коммуникациялар қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.