Қазақстанның ішкі әуетасымал нарығының көлемі 33% өсті
Салыстырмалы түрде 2018 жылы әуетасымалы ең қарқынды дамыған, яғни жолаушылар саны 19% өскен ел Үндістан болған екен.
Нұр-Сұлтан. 2 қараша. Kazakhstan Today - Қазақстан - әлемдік әуе нарығындағы ең қарқынды дамып келе жатқан мемлекет. Бұл көрсеткішті 2019 жылдың қазан айының нәтижесімен былтырғы жылдың дәл осы мезгілі нәтижесін салыстыра отырып байқауға болады - жолаушылар саны 33% өскен екен. Салыстырмалы түрде 2018 жылы әуетасымалы ең қарқынды дамыған, яғни жолаушылар саны 19% өскен ел Үндістан болған екен.
1-29 қазан аралығында FlyArystan 105 000 адамды тасымалдаса, ұшақ борттарын 94% жүктеген. Ал рейстерді уақытылы орындау көрсеткішін 93% жеткізген. Әуе лайнердің паркке қосылуынан кейін бағдарлар кестесі кеңейіп, FlyArystan Нұр-Сұлтаннан Павлодарға, Шымкентке, Тараз бен Семейге жаңа рейстерді ашты. Сонымен қатар желтоқсанда төртінші борттың келуінен кейін FlyArystan алғашқы халықаралық Нұр-Сұлтан-Мәскеу рейстерін ашуды жоспарлап, астанадан Қостанайға және Алматыдан Семейге жаңа бағыттарды ашуды көздеп отыр.
2020 жылы лоукостер паркі қосымша 6 әуелайнермен толығып, жылдың бірінші жартысында Қарағанды мен Ақтөбеде аймақтық бекеттерін ашуды жоспарлауда. Осының арқасында әрбір елді мекенде жергілікті халық арасынан 100-ден астам адам жұмыс орнымен қамтылады. Аталмыш бекеттерге жұмысқа қабылдау басталғанын атап кеткен жөн. Келесі жыл соңына дейін ұшақтар саны өсіп, бағдарлар кестесін 40 бағытқа дейін жеткізу көзделуде.
"Қазанда жолауышылар саны 33% өскенін ескере отыра, FlyArystan отандық авиацияның дамуына үлесін қосқанын нық айтуға болады. Ал әуефлоттың кеңеюінен кейін, 2020 жылы Қазақстан әлемдегі ішкі әуенарығы ең қарқынды дамыған ел болатыны сенім туғызады. Бұл FlyArystan бюджеттік компаниясына, Эйр Астана компания тобы мен жалпы бүкіл қазақстандықтарға жағымды жаңалық болатыны сөзсіз" - деп ойымен FlyArystan лоукостерінің басшысы Тим Джордан мәлім етті.
FlyArystan бюджеттік әуекомпаниясы - Алматы қаласында негізделіп, Skytrax World Airline Awards бағалауынша қызмет көрсету сапасы 4 жұлдызға сәйкестеніп, Орталық Азия мен Үндістандағы ең үздік компания деп танылған, "Эйр Астана" әуетасымалдаушысының бөлімшесі.
FlyArystan әуефлотының орта жасы 6 жыл, 180 орны бар 3 Airbus 320-232 ұшақтарынан құралған. 2022 жылға қарай парктегі әуекемелер санын 15 дейін жеткізіп, оларды Қазақстанның бірнеше ірі қаласында негіздеу жоспарланып отыр. Аз уақыт бұрын лоукостер бекеттері Алматы, Қарағанды мен Ақтөбеде негіздейтіні туралы мәлім етті.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.