Германия компаниялары Қазақстан экономикасына шамамен 4,6 млрд АҚШ доллар инвестиция құйды
Соңғы жылдары Германия компанияларымен бірлесіп құрылыс, машина жасау, өнеркәсіп өндірісі және т. б. салаларында 19 ірі инвестициялық жоба іске асырылды.
Нұр-Сұлтан. 14 маусым. Kazakhstan Today - Германия Қазақстанның ЕО-дағы жетекші серіктестерінің қатарына кіреді. Екі ел арасындағы сауда-экономикалық қатынастар тұрақты өсу динамикасымен және экономикалық өзара іс-қимылдың жаңа мүмкіндіктерімен сипатталады. Берік шарттық-құқықтық база құрылды, диалогтық алаңдар мен институттардың елеулі саны жұмыс жасауда, атап айтқанда Сауда-экономикалық ынтымақтастық жөніндегі Үкіметаралық жұмыс тобы, Қазақстан-Герман іскерлік кеңесі, Герман өкілдігінің Орталық Азиядағы өкілдігі, Берлин Еуразиялық клубы және басқалар.Елімізде герман инвестицияларының шамамен 90% - ы экономиканың шикізаттық емес секторына, атап айтқанда, қосылған құны жоғары өнім шығаратын қайта өңдеу өнеркәсібіне тиесілі.
Соңғы жылдары Германия компанияларымен бірлесіп құрылыс, машина жасау, өнеркәсіп өндірісі және т. б. салаларында 19 ірі инвестициялық жоба іске асырылды.
2005-2008 жылдар аралығында герман компаниялары Қазақстан экономикасына шамамен 4,6 млрд АҚШ доллар инвестиция құйды.
Бүгінде Германиямен инвестициялық ынтымақтастықтың табысты мысалдары ретінде "Siemens","Heidelbreg Cement", "Knauf", "Linde", "Wilo", "Bayer AG"сияқты жетекші герман компанияларының қатысуымен жүзеге асырылған жобаларды айтуға болады. Олар өндіретін өнімдер тек Қазақстан нарығында ғана емес, көрші елдерде де жақсы танымал.
Неміс бизнесімен табысты ынтымақтастықтың ең айқын мысалдарының бірі, кішігірім көтерме сауда форматындағы әлемдегі ірі дүкендер желісі "Metro Cash & Carry-дің" Қазақстандық нарыққа шығуы болды.Қазіргі уақытта Алматы, Астана, Қарағанды, Өскемен, Павлодар, Шымкент қалаларында 6 "Метро" сауда орталығы жұмыс істейді және 1500 жұмыс орнымен қамтамасыз етіп отыр.
Құрылыс материалдарын өндіру бойынша әлемдік көшбасшы -"HeidelbergCement" Қазақстан нарығындағы 2005 жылдан бастап жұмыс жасауда. 2 мыңнан астам қызметкер цемент, бетон және инертті материалдар шығаратын бірнеше жергілікті компанияларда жұмыс істейді. Компанияның Шығыс Қазақстан және Маңғыстау облыстарында, Шымкент қаласында үш цемент зауыты, сондай-ақ Алматы, Нұр-Сұлтан және Ақтау қалаларында жұмыс істеп тұрған бетон зауыттары бар.
Екі жақты ынтымақтастықты одан әрі нығайту мақсатында қазіргі уақытта неміс капиталының қатысуымен шамамен 20 жоба оларды өңдеу өнеркәсібі, құрылыс, көлік, байланыс, ауыл шаруашылығы салаларына тарту үшін әзірленуде.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.