50 мыңнан астам оқушы мен мұғалімдерге компьютерлік техника берілді - Алматы әкімдігі
"Алматы қаласының білім Басқармасы компьютерлік техникасы жоқ отбасындағы балаларды компьютерлік техникамен қамтамасыз ету жұмыстарын жалғастыруда. Ағымдағы жылдың 10 қыркүйегіндегі жағдай бойынша барлығы 51 720 компьютерлік техника берілді", - деді Қайрат Жұманов.
Алматы. 11 қыркүйек. Kazakhstan Today - 50 мыңнан астам оқушы мен мұғалімдерге компьютерлік техника берілді.
Бұл туралы Өңірлік коммуникациялар қызметі алаңында өткен онлайн брифинг барысында Алматы қаласы Білім Басқармасы басшысының орынбасары Қайрат Жұманов айтты.
Естеріңізге сала кетейік, мектеп аумағында коронавирус инфекциясының таралуын болдырмау мақсатында 2020 жылдың 1 қыркүйегінен бастап оқушыларды қашықтан оқыту форматына көшірілді. Сонымен қатар, қала әкімшілігі оқушылар мен мұғалімдердің қажетті техникалық құралдарымен қамтамасыз ету бойынша шаралар қабылдады.
"Алматы қаласының білім Басқармасы компьютерлік техникасы жоқ отбасындағы балаларды компьютерлік техникамен қамтамасыз ету жұмыстарын жалғастыруда. Ағымдағы жылдың 10 қыркүйегіндегі жағдай бойынша барлығы 51 720 компьютерлік техника берілді", - деді Қайрат Жұманов.
Мәселен бүгінгі күні:
- жан басына қаржыландыру бойынша мектептер 9 120 ноутбук сатып алып, жеткізді;
- жергілікті бюджет есебінен 22 212 планшет сатып алынып, жеткізілді; 11 042 компьютер сатып алынды, оның 2 мыңы жеткізілді; қалған 9 мыңы ағымдағы жылдың 15 қыркүйегіне дейін жеткізіледі;
- 38 591 дана компьютерлік техника Үкіметтің резервтік қоры есебінен сатып алынып, 18 388 компьютер мен ноутбук жеткізілді; қалған 5 203 планшет пен 15 000 ноутбук 15 қыркүйекке дейін жеткізіледі.
Сонымен қатар, Қ. Жұманов демеушілік көмек есебінен де үлкен көмек көрсетілетінін атап өтті:
150 ноутбукты Қазақстан Республикасы Сыртқы істер министрлігі, "Қазақстандық дипломаттар бірлестігі" және Қазақстан Республикасының Бала құқықтары жөніндегі уәкілі Аружан Саин әлеуметтік осал топтағы отбасылардың балаларына берді.
"Салиқалы ұрпақ" қоғамдық қорының демеушілері 500 ноутбук ұсынды.
"Мектепке жол" акциясы аясында "Нұр Отан" қалалық филиалы әлеуметтік аз қамтылған отбасыларға 1,5 мың планшет пен 1000 мектеп құралдарын берді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.