7,6 млн. тонна астық экспортқа жөнелтілді
ҚР Ауыл шаруашылығы министрі А. Мырзахметов негізгі астық егетін өӊірлердіӊ ауыл шаруашылығы нысандарын аралап, ауыл шаруашылығы тауар өндірушілерімен
Астана. 26 мамыр. Kazakhstan Today - ҚР Ауыл шаруашылығы министрі А. Мырзахметов негізгі астық егетін өңірлердің ауыл шаруашылығы нысандарын аралап, ауыл шаруашылығы тауар өндірушілерімен кездесті, деп хабарлайды Kazakhstan Today агенттігінің тілшісі.
Іссапар Ақмола облысында орналасқан "Еңбек" ЖШС-нің алқаптарын аралаудан басталды.
Республикадағы көктемгі егіс аумағы 18,4 млн.га деңгейде болжануда. Ағымдағы жылдың 26 мамырдағы жағдай бойынша республикада дәнді дақылдар 9,4 млн. га, майлы дақылдар – 1,6 млн. га, көпжылдық өсімдіктер – 261 мың. га, көкөніс-бақша дақылдары – 200,6 мың.га, картоп – 166,8 мың. га, қант қызылшасы – 10,9 мың.га және мақта өсімдігі – 105 мың. га алқапта егілді.
Көктемгі егіс жұмыстарын жүргізуді қаржыландыруға екінші деңгейлі банктер мен "Казагро" холдингінің еншілес ұйымдары арқылы 60 млрд. теңге бюджеттік несие бөлінді. Осы жылдың 20 мамырына дейін "Аграрлық несие корпорациясы" АҚ арқылы 36 млрд. теңге, "Азық-түлік келісім шарт" АҚ арқылы форвардтық астық сатып алуға – 9,8 млрд. теңге және ЕДБ арқылы - 1,4 млрд.теңге көлемінде қаржыландыру іске асырылды.
Министрдің жұмыс сапары Солтүстік Қазақстан облысының "Петерфельд Агро" и КТ "Зенченко и К" шаруашылықтарын аралаумен жалғасты.
АӨК Мемлекеттік инспекциясы комитетінің мәліметіне сай СҚО қолдағы бас астықтың көлемі 2022,9 мың тоннаны құрайды. Лицензияланған астық сақтау қоймаларында 753,9 мың тонна, ауыл шаруашылығы тауар өндірушілерінде 1261,36 мың тонна, диірмен зауыттарында 7 мың тоннадан аса астық бар.
Жер реформасына қатысты сұрақтарды түсіндіру үшін Министр облыстың Қоғамдық кеңес өкілдерімен кездесті. Министр арнайы құрылған республикалық жұмыс комиссиясымен әзірленген ұсыныстарды бұқара арасында жан-жақты түсіндірудің маңыздылығын атап өтті.
Іссапардың екінші күні Қостанай облысының ауыл шаруашылығы алқаптарын аралаумен жалғасты. Аймақта егіс науқаны жүріп жатыр. Осы жылы өңірде ауыл шаруашылығы дақылдары 5155,4 мың.гектар, оның ішінде дәнді және дәнді-бұршақты дақылдар 4107 мың. га жерді қамтыды.
Сонымен қатар, жергілікті атқарушы органдармен 2016 жылы минералды тыңайтқыштардың бағасын арзандатуға 14,5 млрд.теңге қарастырылған болса, ал Қостанай облысымен аталмыш бағытқа 4 млрд.теңге бөлінген.
Маркетингтік жыл басынан бастап ( 2015 жылдың 1 шілдесінен) 2016 жылдың 26 мамырдағы жағдай бойынша ұнды қоса есептегенде экспортқа 7,6 млн тонна астық жөнелтілді, оның ішінде астық – 4,9 млн. тонн, ұн -1,8 млн. тонна, мұнымен астықтың экспорттық әлеуеті 92,5 %-ға орындалып отыр.
ҚР АШМ баспасөз қызметі
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.