Қазақстанда "Айқын кеден" науқаны өткізіліп жатыр
Мәселен, Қытай - тарих тұрғысынан алғанда Қазақстанның ең ірі сауда серіктесінің бірі. Бұл елмен сауда айналымы 51%-ға төмендеген, яғни 2012 жылы 21,8 млрд АҚШ доллары болса, 2017 жылы ол 10,6 млрд АҚШ долларына дейін төмендеген.
Алматы. 5 ақпан. Kazakhstan Today - "Нұр Жолы" Кеден және логистика жөніндегі заңды тұлғалар бірлестігі "Айқын кеден" науқанына қатысуда. Бұл - елдің экономикалық мүдделерін қорғау бойынша бизнес пен мемлекеттің бірлескен жұмысындағы маңызды сатылардың бірі.
Науқан "Нұр Жолы" Кеден және логистика жөніндегі құзыретті экономикалық операторлар одағы" ЗТБ және ҚР Қаржы министрлігі Мемлекеттік кірік комитеті арасындағы Өзара түсіністік және ынтымақтастық туралы меморандум аясында өткізіліп жатыр. Науқан кезінде мемлекеттік кіріс органдарындағы лауазымды тұлғалардың кедендік операцияларды өткізу барысына қоғамдық бірлестік өкілдері қатысады деп көзделген.
Еуразиялық экономикалық одаққа мүше мемлекеттердегі шағын отандық импортшылардың алақол бәсекелестігі бюджетке түсетін кедендік төлемдер мен салықтарға кері әсерін тигізіп отыр.
Мәселен, Қытай - тарих тұрғысынан алғанда Қазақстанның ең ірі сауда серіктесінің бірі. Бұл елмен сауда айналымы 51%-ға төмендеген, яғни 2012 жылы 21,8 млрд АҚШ доллары болса, 2017 жылы ол 10,6 млрд АҚШ долларына дейін төмендеген. Бұған қоса ҚХР-дан импортталатын тауарлардың құрылымында өзгерістер байқалып отыр, атап айтқанда, импорт құрылымында кедендік құны төмен жалпы халық тұтынатын тауарлар басым түсе бастады (металдардан жасалған бұйымдар - 24%, тұрмыстық тауарлар - 14%, пластмастан жасалған бұйымдар - 9%, ыдыс-аяқ - 8% және т.б.). Сонымен қатар, көп салықты әкелетін тауарлардың үлесі 2018 жылы 1%-ды құраған, бұл кедендік төлемдер мен салықты төлеуден жалтару мақсатында кеден құнының төмен көрсетіліп, декларацияның дұрыс толтырылмайтындығын айғақтауы мүмкін.
Бұл мәселені сыртқы экономикалық қызмет қатысушыларының кәсіби деңгейін көтеру және мемлекеттік органдардың өзара әрекеттесуі арқылы ғана шешуге болады.
Халықаралық тәжірибеге сәйкес кедендік органдар және бизнес-қауымдастық арасындағы серіктестік шарттарының бірі - сыртқы экономикалық қызмет қатысушыларына осы мәртебені беру.
Кедендік одақтағы құзыретті экономикалық оператор - бұл кедендік органдардың сенімінен шыға алған және арнайы жеңілдетілген рәсімдерді қолдануға мүмкіндік алған заңды тұлғалардың нақты бір санаты.
Жағдайды жақсарту және ағымдағы мәселелерді бірлесе шешу үшін сыртқы экономикалық қызмет қатысушылары бизнес пен мемлекеттік органдар арасындағы кеден және логистика мәселелері жайлы диалог құруға мүмкіндік беретін тұғыр ретінде Құзыретті экономикалық операторлар одағын құру жөнінде бастама көтерді. Осылайша 2018 жылдың қарашасында "Нұр Жолы" Кеден және логистика жөніндегі заңды тұлғалар бірлестігі құрылды.
Бастаманы ҚР Қаржы министрлігі Мемлекеттік кіріс комитеті қолдады.
2018 жылдың 14 желтоқсанында Мемлекеттік кіріс комитеті платформасында сыртқы экономикалық қызмет қатысушылары мен "Атамекен" Ұлттық кәсіпкерлер палатасының отырысы өтті.
2018 жылдың 19 желтоқсанында "Нұр жолы" Одағы және Мемлекеттік кіріс комитеті арасында Өзара түсіністік және ынтымақтастық туралы меморандумға қол қойылып, оны жүзеге асыру жөніндегі жоспар бекітілді.
Одақ алдына қойылған басты міндеттердің бірі - кедендік төлемдер мен салықтардың жиналуын арттыру, сондай-ақ, Қазақстан Республикасындағы "көлеңкелі" импортты жою.
2019 жылдың қаңтарынан бастап Жоспар жүзеге асырыла бастады.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жеке пайдалануға арналған тауарларды бажсыз әкелу шегі бұрынғы деңгейде белгіленді
Сурет: Depositphotos
Жеке пайдалануға арналған тауарларды бажсыз әкелудің ұлғайтылған шегі бойынша ЕЭК Кеңесінің 2023 жылғы 27 қыркүйектегі № 94 шешімінің қолданылу мерзімі аяқталды, деп хабарлайды Мемлекеттік кірістер комитетінің баспасөз қызметінен.
Еске салса кетейік, Еуразиялық экономикалық комиссия кеңесінің 2023 жылғы 27 қыркүйектегі № 94 шешімі Еуразиялық экономикалық комиссия кеңесінің 2017 жылғы 20 желтоқсандағы № 107 "Жеке пайдалануға арналған тауарларға байланысты жекелеген мәселелер туралы" шешімімен көзделген жеке пайдалануға арналған тауарларды бажсыз әкелудің ұлғайтылған шегінің қолданысын ұзартқан болатын.
Осыған орай, 2024 жылғы 1 сәуірден бастап бажсыз әкелу шегі өзінің бұрынғы деңгейіне оралды, яғни:
- алып жүретін немесе алып жүрмейтін багажда әуе немесе жаяу тәртіптен басқа көлік түрлерімен әкелінетін тауарлар үшін - құны 500 еуроға баламалы сомадан аспайды және (немесе) салмағы 25 кг аспайды;
- тасымалдаушы жеткізетін немесе халықаралық пошта жөнелтілімдерінде жөнелтілетін тауарлар үшін-құны 200 еуроға баламалы сомадан аспайды және (немесе) брутто салмағы 31 кг аспайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы айналма темір жолының құрылысы кесте бойынша жүріп жатыр
Сурет: KТЖ
Алматы айналма темір жолының құрылысы кесте бойынша жүріп жатыр, деп хабарлайды "Қазақстан темір жолы" ҰК" АҚ баспасөз қызметінен.
Алматы станциясы теміржол торабын айналып өтетін айналма теміржол желісін салу" жобасын іске асыру Алматы станциясын айналып өтіп, жүк ағынын Жетіген - Қазыбек бек жаңа темір жолына қайта бағыттауға мүмкіндік береді.
Жаңа тармақтың Қазақстанның көлік-транзиттік әлеуетін дамыту үшін маңызы зор, бұл Алматы торабына жүктемені 40% төмендетуге және жүктерді жеткізу уақытын едәуір қысқартуға мүмкіндік береді.
Қазіргі уақытта жұмыстар ұзындығы 20 км болатын учаскелерде жүргізілуде, 100 астам арнайы техника бірлігі мен 300 жуық адам жұмылдырылды. Негізгі жолдың жалпы ұзындығы 75 км, станциялық жолдар - 50 км. Жалпы жоба аяқталғанға дейін 125 км темір жолы салынады.
Сондай-ақ, жобада көлемі 6,5 млн м3 жер жұмыстары жүргізіліп, 18 көпір, Жетіген станциясында бір автожол өткелі, түрлі диаметрлі және конфигурациядағы 49 су өткізу құбыры салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.