А. Мырзахметов: Мемлекеттік бағдарлама ауылдыӊ әрбір тұрғынына қолжетімді болмақ
Қазіргі таӊда мал шаруашылығын субсидиялаудыӊ 33 бағыты бар, осы бағыттарға 2015 жылы 69 млрд. теӊге бөлінді. Ал, жаӊа бағдарлама аясында субсидияныӊ 6 түрі бойынша 34,5 млрд. теӊге қарастырылған
Астана. 11 қараша. Kazakhstan Today - А.Мырзахметов Ақтөбе облысындағы АӨК-ті дамыту туралы мемлекеттік бағдарламасыныӊ тұжырымдамасын түсіндіру барысында субсидиялаудыӊ тиімділігін арттыру шаралары туралы айтып берді, деп хабарлайды ҚР АШМ баспасөз қызметі.
А. Мырзахметов субсидиялау жүйесіне бірқатар түзетулер енгізу жоспарланғанын айта кетті.
"Қазіргі таӊда мал шаруашылығын субсидиялаудыӊ 33 бағыты бар, осы бағыттарға 2015 жылы 69 млрд. теӊге бөлінді. Ал, жаӊа бағдарлама аясында субсидияныӊ 6 түрі бойынша 34,5 млрд. теӊге қарастырылған.
Сүт, сиыр еті, қой еті өнімдерін өндіруге берілетін субсидияны ірі шаруашылықтар ғана (жалпы өнімніӊ 60%), алып отыр, мысалы, сиыр еті бойынша 19 бордақылау алаӊы ғана (3000 мал орнынан бастап) субсидия алған, мұндай жағдай сүт өнімдеріне берілген субсидияда да кездеседі", - деп атап өтті ол.
"Көрсетілген бағыттар бойынша қойылатын талаптар төмендетілді, (сиыр еті бойынша 400-ден 100 мал орнына дейін) және ауыл шаруашылығы кооперативтеріне субсидия бөлу мүмкіндігі қарастырылып отыр. Жаӊа бағдарлама бойынша субсидия алатындар саны 2,5 есеге көбейеді",- деді Вице-Премьер.
Асыл тұқымды төл басыныӊ жеткілікті болуына байланысты, шет елден келген асыл тұқымды ірі-қараға субсидия бөлінбейді. Олар өнімдерді субсидиялауға беріледі.
"Нәтиже бермейтін мал басына берілетін субсидиялау тоқтатылып, орнына ауыл шаруашылығы кооперативтерініӊ құрама азығына субсидия беріледі,- деп айта кетті Вице-Премьер - Ауыл шаруашылығы басшысы.
Еске сала кетейік, А. Мырзахметов АӨК-ті дамыту туралы мемлекеттік бағдарламасы тұжырымдамасын түсіндіруде.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.