Ақмола облысында 9 айдағы әлеуметтік-экономикалық даму қорытындылары талқыланды
Өңір басшысы бюджеттік бағдарламалардың әкімшілеріне, аудандар мен қалалардың әкімдіктеріне жылдың қорытындысы бойынша бюджеттік қаржының толық игерілуін қамтамасыз етуді және есеп айрысу тәртібі бұзылуына жол бермеуді тапсырды.
Көкшетау. 17 қазан. Kazakhstan Today - Ақмола облысында әкімдіктің отырысында 9 айдағы әлеуметтік-экономикалық даму қорытындылары талқыланды.
Бүгін Ақмола облысының әкімі Ермек Маржықпаевтың төрағалығымен өткен әкімдіктің отырысында облыстың 2019 жылдың 9 айдағы әлеуметтік-экономикалық дамуы мен бюджеттің орындалу қорытындылары, су тасқыны кезеңінде төтенше жағдайлардың алдын алу бойынша жүргізіліп жатқан іс-шаралар барысы талқыланды.
Экономика және бюджеттік жоспарлау басқармасының басшысы Қанат Дүзелбаев есепті кезеңде экономиканың барлық салалары бойынша оң нәтижелерге қол жеткізілгенін баяндады.Нақты көлем индексі кен өндіру өнеркәсібінде, тамақ өнімдерін, резеңке мен пластмасса бұйымдарын өндіруде, машина жасау саласында артты. Ауыл шаруашылығында жиынтық өнім көлемі 348 млрд теңге шамасында құрады. Инвестициялар өсімі 9% қамтамасыз етіліп 235,8 млрд теңге құрады. Құрылыс жұмыстарының көлемі 18%-ға артты.
Облыс әкімі Ермек Маржықпаев салалық басқармаларға, аудандар мен қалалардың әкімдіктеріне инвестициялар тарту, ауыл халқының сапалы ауыз суға қол жеткізуін арттыру, көп балалы және аз қамтамасыз етілген отбасыларды әлеуметтік қолдаумен толық қамту, меморандумдарда қарастырылған негізгі индикаторларды орындау бойынша жұмыстарды жалғастыруды тапсырды.
Бюджеттің орындалу қорытындысы туралы қаржы басқармасының басшысы Талғат Бөлтенов баяндады. Бюджет көлемі 199,6 млрд теңге құрады, оның жоспарланған шығыс бөлігі 99,3% орындалды.
Өңір басшысы бюджеттік бағдарламалардың әкімшілеріне, аудандар мен қалалардың әкімдіктеріне жылдың қорытындысы бойынша бюджеттік қаржының толық игерілуін қамтамасыз етуді және есеп айрысу тәртібі бұзылуына жол бермеуді тапсырды.
Үшінші мәселе бойынша баяндама жасаған төтенше жағдайлар департаментінің бастығы Алексей Советовсу басу қаупі бар елді мекендерді инженерлік қорғау жөніндегі іс-шаралармен облыстың 14 ауданы қамтылғанын хабарлады. Ермек Маржықпаев табиғи ресурстар және табиғатты пайдалануды реттеу басқармасына, аудандар мен қалалардың әкімдіктеріне 2017-2020 жылдарға арналған жол картасында қарастырылған су басу қаупінің алдын алу мен жою жөніндегі кешенді шаралар қолдануылуын қамтамасыз етуді тапсырды.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.