Ақмола облысында егiн орағының қорытындысы мен облыстың экологиялық ахуалы қарастырылды
4,3 млн гектар алқаптан жалпы 5,1 млн. тонна көлемiнде астық жиналды, орташа өнiмдiлiгi - 11,7 ц/га. Түскен астықтың жартысынан көбi 3-сыныпқа сәйкес. Жаңа егiн орағының астығын қабылдау мен сақтау бойынша проблемалар жоқ.
Көкшетау. 4 қараша. Kazakhstan Today - Бүгiн Ақмола облысының әкiмi Ермек Маржықпаевтың төрағалығымен өткiзiлген аппараттық кеңесте егiн орағының қорытындысы мен облыстың экологиялық ахуалы қарастырылды.
Ауыл шаруашылығы басқармасы басшысының мiндетiн атқарушы Димаш Таласбаевтың ақпараты бойынша, биылғы егiн өсiру маусымы диқандар үшiн оңай болған жоқ. Облыста ауыл шаруашылығының барлық дақылдарының түрлерi бойынша жақсы өнiм жиналды.
4,3 млн гектар алқаптан жалпы 5,1 млн. тонна көлемiнде астық жиналды, орташа өнiмдiлiгi - 11,7 ц/га. Түскен астықтың жартысынан көбi 3-сыныпқа сәйкес. Жаңа егiн орағының астығын қабылдау мен сақтау бойынша проблемалар жоқ.
Майлы дақылдар 218 мың гектар алқаптан немесе 85,2% жиналды. Жалпы жиыны 156,7 мың тонна құрады, орташа өнiмдiлiгi - 7,2 ц/га.
17,4 және 3,8 мың гектар алқаптан тиiсiнше 278 және 57 мың тоннадан астам картоп пен көкөнiс жиналды.
Талқылаудың қорытындысы бойынша өңiр басшысы Ермек Маржықпаев аудандар мен қалалардың әкiмдерiне ауыл шаруашылығы басқармасымен бiрлесiп 2019 жылғы егiн орағы астығының сақталуын қамтамасыз етудi және нанның бағасын тұрақтандыру үшiн "Азық-түлiк корпорациясы" ҰК" АҚ резервiне астық өткiзудi, майлы дақылдарды жинауды 10 қарашаға дейiн аяқтауды тапсырды.
Экология департаментiнiң басшысы Әнуар Нұрсейiтов бүгiнгi таңда ең проблемалы мәселелердiң бiрi қатты тұрмыстық қалдықтардың полигондарын заңдастыру болып табылатынын баяндады. Қатты тұрмыстық қалдықтардың 130 үйiндiлер мен полигондар бар, соның iшiнде 25-i ғана заңдастырылған. Ғарыштық мониторингтiң нәтижесi бойынша заңдастырылмаған 1576 үйiндiлер анықталған.
Облыс әкiмi осы мәселе бойынша табиғи ресурстар және табиғатты пайдалануды реттеу басқармасына аудандар мен қалалардың әкiмдерiмен бiрлесiп қатты тұрмыстық қалдықтардың полигондарын, сонымен қатар, ҚТҚ полигондары жоқ ауылдық округтердiң елдi мекендерiнде қалдықтарды уақытша орнластыруға арналған алаңдарды рәсiмдеу бойынша шаралар қолдануды тапсырды.
Сондай-ақ, энергетика және тұрғын үй-коммуналдық шаруашылық басқармасына аудандар мен қалалардың әкiмдерiмен бiрлесiп ҚТҚ полигондарының құрылысын салу, қүтiп үстау және қызмет көрсету, облыс өңiрлерiнде кәдеге жаратылатын шикiзат қабылдау пункттерiн көбейту және контейнерлер алаңдарын дұрыс жайғастыру, коммуналдық қалдықтарды бөлектеп жинауды iске асыру бойынша қажеттi жұмыстар жүргiзудi тапсырды.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.