AES Өскемен ЖЭО-да айналмалы сумен қамтудың жаңа жүйесі іске қосылды
"AES Өскемен ЖЭО" АҚ-да құны 2,5 млрд. теңгені құрайтын айналмалы сумен қамтудың жаңа жүйесі - желдеткіш Градирняның ашылу салтанаты өтті, деп хабарлайды компанияның баспасөз қызметі.
Өскемен. 15-тамыз. Kazakhstan Today - AES Өскемен ЖЭО-да айналмалы сумен қамтудың жаңа жүйесі іске қосылды, деп хабарлайды Kazakhstan Today агенттігінің тілшісі.
"AES Өскемен ЖЭО" АҚ-да құны 2,5 млрд. теңгені құрайтын айналмалы сумен қамтудың жаңа жүйесі - желдеткіш Градирняның ашылу салтанаты өтті, деп хабарлайды компанияның баспасөз қызметі.
Жаңа жүйе су үнемдеуге әсерін тигізеді және техникалық судың өзенге ағызылуын 47,9% төмендету есебінен Үлбі өзені бассейінінің эколологиялық жағдайын жақсартады. Желдеткіш Градирняның іске қосылуы Өскемен ЖЭО-ның электр қуатын өндіруін жылына 145 млн. кВт/сағ арттырады.
Айналмалы сумен қамтудың жаңа жүйесі Шығыс Қазақстан облысының әкімі Бердібек Сапарбаев, АҚШ елшісі Кеннет Фэйрфакс, АЕS корпорациясының атқарушы вице-президенті және коммуналдық кәсіпорындар тобының атқарушы директоры Эндрю Визи, ТМД бойынша АЕS-тің вице-президенті Майкл Центер, Қазақстан Республикасының Индустрия және жаңа технологиялар министрлігінің, мемлекеттік органдардың және мердігер ұйымдардың өкілдері қатысқан Градирняның ашылу салтанаты барысында іске қосылды.
Қатысушылар Градирняның кешеніне енетін негізгі нысандарды: жеке қажеттіліктерді бөлу қондырғысын, қабылдау камерасын, тұйық жүйе бойынша салқындатылған техникалық суды турбиналардың конденсаторларына жіберуге арналған айналмалы сорғыны аралады. Градирня үшін Сименс және Ирвик сияқты әлемнің жетекші өндірушілерінің жабдықтары пайдаланылды.
Салтанат барысында Эндрю М. Визи өз сөзінде: "АЕS-тің Қазақстанға келген сәтінен бастап біз осы елдің энергетикалық секторы мен тұрғындарына қолдау көрсетіп келеміз. Біз Қазақстанға өзіміздің барлық бизнестеріміз бен қызметкерлеріміздің сараптама, ноу-хау, тәжірибе және технологиялық инновацияны тарату салаларындағы барлық жаһандық күш-қуатымызды ала келдік".
Өскемен ЖЭО жаңа салқындату жүйесінің жұмыс қағидасы келесіден тұрады: айналмалы сұлбада техникалық су жүйе бойынша қозғалады, конденсатордағы жылуды алып Градирняда салқындатылады және сорғылардың көмегімен қайтадан конденсаторларға беріледі. Судың салқындатылуы қажетті температураға дейін қамтамасыз етіледі. 6 секциялық Градирняда судың шығыны сағатына 24 000 метр кубті құрайды. (бір секцияға 4000 м3/сағ).
Майкл Центердің айтуы бойынша айналмалы сумен қамтудың жаңа жүйесі - бұл "AES компаниясының облыс энергетикасын дамытуға және Қазақстан энергожүйесінің сенімділігін арттыруға қосқан маңызды үлесі".
AES Корпорациясы Қазақстан да 15 жыл жұмыс жасап келеді және қазіргі уақытта Өскемен ЖЭО-ны қоса алғанада, жалпы қуаттылығы 2 688 МВт құрайтын төрт ірі компанияны басқаруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.